كتبت:شهد عماد
أكرم عمران ، خريج المعهد العالي للفنون المسرحية ، وحاصل علي ملف نقابة المهن التمثيلية، ٣١سنه.
متي أول مرة قدمت فيها عمل فني؟وماذا كان؟
أول عمل فني ليا يعتبر محدش شافو لانو كان في اليونان،كان أول عمل فني أحترافي،كان فيلم رواية قصير عن مناطق شعبية مصرية ،والفيلم حصل علي جوائز كتير جدا في اليونان، حصل علي جائزة لمهرجان سينمائي في اليونان عن السينما العشوائية الدولية.
التمثيل كان موهبتك منذ الصغر أم كان لديك حلم أخر؟
كان موهبتي من زمان وأنا صغير،كنت بمثل وأنا صغير في المدرسة والموضوع تطور شوية ب شوية،لحد ما جت فترة في حياتي انشغلت بحاجات في حياتي الشخصية، وبعدين قدمت في المعهد العالي للفنون المسرحية،ودخلت قسم تمثيل وإخراج وخلصت وأخد البكالوريوس،وعملت دراسات عليا ودلوقتي بعمل دكتوراة.
من هو أفضل ممثل بالنسبة ل “أكرم عمران”؟
أحمد ذكي لأنه ممثل بكل ما تحمل الكلمة، عمل ثلاثة ادوار صعايدة ورا بعض مكنش فيهم واحد مشترك مع التاني في تفصيلة،ولا في لهجة،ولا في ريأكشن، ودا منهج من مناهج التمثيل مفضل لدي.
ما هي فكرتك عن سينما العشوائيات؟
بنستغل العشوائيات عندنا عشان ننهض بيها ونخليها ألطف، والنوع دا له سينما زي الرومانسية ليها سينما،ودا نوع بيتكلم عن عشوائية كل الدول ومعمول لها مهرجان سينمائي بنشارك فيه بالأفلام، بنصور فيه المناطق العشوائية بشكل جمالي علي قد ما نقدر،والمناطق القديمة بنصورها بشكل جمالي نطلع الجمال اللي فيها من الصورة في النهاية.
هل بتواجه انتقادات من جمهورك؟
أنا لحد دلوقتي موجهتش أي انتقادات من الجمهور،عشان معملتش دور يثير الجدل، كلها أدوار بتتحب من الناس ممكن الناس تتفاعل معها شوية بالسلب وشويه بالإيجاب،بس في النهاية هي أدوار لا تثير الجدل،لسا معملتش الدور دا وبستناه أكيد.
ما هي الشخصية التي كنت تتمني تجسيدها في عمل فني ما؟
نفسي أعمل شخصيتين مهمين جدا، شخصية الفنان عادل أدهم،ونفسي أعمل سيد درويش.
هل هناك أعمال فنية تحضر لها الفترة القادمة؟
بحضر حاليا مسلسل سوتس بالعربي،بطولة آسر ياسين،وأحمد داود، دوري فيه سكرتير مكتب المحاماه.
وفي نهاية الحوار نتمني له دوام النجاح في أعماله الفنيه.
اترك تعليقاً