المشاعر بين القبول والرفض

اليوم حبيت نقول حاجة للّي يقراو في رسالتي .. اللي يحبوني نقلهم بربي ما عادش تحبوني راني ما نتعاشرش ودونية وطبيعتي خايبة اما وقت الشدة تلقاني وتوفى الشدة وحدي ننسحب

واللي ما يحبونيش احسن حاجة عملتوها لاني والله ما نتحبها،،، اصلا انا ما نحبش روحي خلي انتوما… جبناها مع بعضنا م الاخر وسلكناها

اللي يكرهوني زادة نحب نقلهم توا تخراولي فيه عرضولي في الزنقة والا اضربولي ع الطيارة، نهايتكم تزيدوا تكرهوني اكثر وتعملوا عليا مزية كملوا احقدوا عليا واحسدوني وابغضوني،،، ننتشي وقت نحس بغيضكم تعجبوني وكان ما حقدتوش عليا راني حاسة حاجة ناقصتني .

الخلاصة ، ماني معدلة على حد ولا يهمني في اللي حب واللي كره واللي حقد ، ما عنديش مشاعر مع العباد عندي تقييم واحترام او احتقار والمعايير تتراوح من اللغة المستخدمة للافعال بانواعها فقط