النصيب غلاب والحريم أعتاب ..

فيهم اللي تدخل البيت وهو فاضي تملاه .. وفيهم اللي تدخل البيت مليان تشحته للجيران .. وفيهم اللي تموت لو طرفها بان …. وفيهم اللي عندها حلاوة روح وباب الكرم مفتوح .. وفيهم اللي عندها الخير كتير وتستخسر فيك ميه الزير .. وفيهم اللي تقرص وتلبد زي التعبان .. وتقتل القتيل وتمشي في جنازته كمان .. وفيهم اللي تفرق الأخوات وتعمل مشاكل مع اللي جاي واللي فات .. وفيهم اللي في الزنقة تقولك ربك موجود ودايما بيجود .. وفيهم اللي لو نقص مالك تسيبلك الدار أنت وعيالك .. وفيهم اللي ساعة الغلط تبلعلك الزلط .. وفيهم اللي تحب الهم والغم وبحالك لن تهتم .. وفيهم اللي لما تبقي في ضيقه تخدك في حضنها دقيقة .. وتقولك أنا لا عايزة جاه ولا نفوذ أنا عايزه بقلبك أفوز ..