بلاش تحب وتكون عبيط أبعد يا قلبي خليك حويط اصل النهايه غير البدايه أبعت لروحك أقرب وسيط أصلك في حبك بقلم الشاعرة / سحر عبدالقادر متابعة المستشار الإعلامى / سامح الخطيب

بلاش تحب وتكون عبيط

أبعد يا قلبي خليك حويط

اصل النهايه غير البدايه

أبعت لروحك أقرب وسيط

أصلك في حبك اهبل تملي

تدي المشاعر والشوق تعلي

واثق في نفسك وحتي نفسك

تعيش وجود من غير تخلي

بلاش تقرب لو حتى روحك

وخداك لحد طيب جروحك

دا كله وهم وحلم طاير

والحب أصلا مش طموحك

عشان بترجع دايما بتبكي

خذلان ومن وجعك بتشكي

وسهر الليالي بيزيد في يأسك

ويبقي ناقصك غير بس تحكي

بقلمى – سحر عبدالقادر

جريدة العمق نيوز