روشته نجاحك وتحقيق احلامك للكوتش شيرين الجميل
متابعه/بركات الضمراني
أنا ليه مش عارف انجح وأحقق اللي بحلم بيه
ايه ممكن يكون ناقصني !
دا سؤال كتير جدا مننا بيساله لنفسه
الشغف .. انت اللي ناقصك عشان تنجح هو انه يكون عندك شغف
أسباب كتير جدا ممكن تخليك فاقد للشغف دا وعشان كدا واقف في مكانك ..
عدم التواصل اقوي حاجه ممكن تخليك فاقد للشغف ، انت ممكن تكون مش بتتواصل مع أحلامك اللي انت عايز تحققها
مش بتفكر نفسك بحلمك وأهدافك .. اه انت عارف عايز ايه .. بس مش شغال نفسك ف التفكير بيه ودا اللي بيموت شغفك
شغفك مرتبط بتواصلك بأحلامك ..
مرتبط بتواصلك بخطوات واضحه لهدفك .. لو التواصل دا وقف هتفقد شغفك وأحلامك هتتحول لمجرد امنيه
عايز تحافظ علي شغفك .. حافظ علي التزامك .. الزم نفسك بمسئوليات دايما .. اتحركً وطول الوقت اسعي انك تكون ملتزم عشان تقدر توصل تحقق هدفك اللي انت عايزه
لو انت شخص متردد اعرف انه مستحيل يكون عندك شغف
التردد والشغف مينفعش يجتمعوا في شخصيه واحده وعشان كدا أتخلص من التردد دا وسهل جدا تعمل كدا
انت كل اللي محتاجه عشان تتخلص من التردد دا هو انك تتقبل فكره انك هتتحمل المسئوليه علي اي قرار هتاخده
وأخيرا لو عايز تنجح وتحتفظ علي شغفك في حياتك بجد .. أتعلم متتأثرش بالظروف الخارجيه اللي بتحصل حواليك كل يوم
مينفعش شغفك تجاه حلمك يرتبط بظروف كل يوم بتتغير
خليك دايما داعم لنفسك ؛ خليك واثق من نجاحك حتي لو لسه مش شايف اي مؤشرات تدل علي كدا
وافتكر .. شغفك .. طاقتك .. أحلامك .. مسئوليتك انت لوحدك
انا اللي عندي كل المسئوليه