سؤال وجواب

أول أسبوع

الجسم يبدأ يمتص الأحماض الدهنية. ممكن تحسي إن الهضم أهدى شوية , خصوصًا لو كنتي بتعاني من انتفاخ أو إمساك بسيط. كمان بعض البنات بيلاحظوا إن النوم بقى أعمق شوية من بدري.

من الأسبوع التاني لحد أول شهر

تبدأ تلاحظي إن بشرتك فيها لمعة صحية أكتر , والجفاف يقل. كمان المزاج يبقى متزن شوية , لأن الأوميجا 3 بتأثر على كيمياء المخ وبتساعد تقلل القلق أو الاكتئاب البسيط. المفاصل كمان تبدأ تحسي إنها مش بتوجع زي الأول خصوصًا لو بتلعبي رياضة كتير.

من الشهر التاني لحد ٣ شهور

التأثير يبقى أوضح: البشرة والشعر يتحسنوا بشكل ملحوظ (شعر أنعم وأقل تساقط , بشرة أقل التهاب أو حبوب). المناعة كمان تقوى , فتلاقي نفسك مش بتمرضي بسهولة. وده وقت تبتدي تحسي إن استشفاء العضلات بعد التمرين أسرع. لو عندك مشاكل تركيز , هتلاقي دماغك أصفى وقدرتك على التفكير والتركيز اتحسنت.

بعد ٣ شهور فما فوق

الجسم بيثبت على فوايد الأوميجا 3. القلب والدورة الدموية تبقوا في حالة أفضل , الكوليسترول الضار يقل والكويّس يعلى , يعني حماية للقلب على المدى الطويل. المزاج يستقر جدًا , والنوم يبقى منتظم , والمفاصل مرنة أكتر. كمان على المدى الطويل بتقلل فرص الالتهابات المزمنة اللي ممكن تسبب مشاكل زي زيادة الوزن أو تعب مستمر.

ملحوظة: لازم تاخدي الأوميجا 3 مع الأكل اللي فيه دهون عشان الجسم يمتصها كويس. ولو خاتيها على معدة فاضية ممكن تجيب شوية تكرّع أو طعم سمك في الفم , عادي جدًا ومش خطر.