معرفش مين ممكن يشوفك كل يوم
معرفش مين ممكن يشوفك كل يوم
الشاعر محمد سامى يكتب
معرفش مين ممكن يشوفك كل يوم ويكون حزين
وانتى اللى عينك نكتتين بيضحكوا اتخن تخين
يا بنت ياللى عنيكى شبابيك ع البيوت
ازاى بضحكة بتضحكيهاتخلى كل الخوف يموت
وازاى بتقدرى تستخبى من الوجع
وبترسمى بصوتك أمل بيهز جدران السكوت
يابنت ياللى الدنيا مرسومة ف عنيكى
مليون طريق مليون لقا مليون وداع
بتوزعى الحكايات على الكل بايديكى
وبتفردى مشاعرك غذا لكل اللى جاع
احترت فيكى يا جامعه كل الحسن
بتجييى ضحك منين
وقلبك كله جرح وكله حزن
روحك لكل الناس غذا
فطبيعى اكون صادق اذامانديتلكيش ابدا باسمك
وناديت عليكى يا معجزه
يا معجزه