كتير مننا بيفتكر ان الضغوط النفسى ده مشاكل أو أزمات لكن انا تعريفى للأزمات والمشاكل غير كده خالص بمعنى أن الأزمه = فرصة أيو فرصة إنك تنجح فرصة أنك تراجع نفسك مره تانية وتعالوا نشوف الأية الكريمة دى يقول الله تعالى ( وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ (155) البقرة

تعالو نرجع للأية مرة ثانية الخوف والجوع ونقص الاموال والانفس والثمرات دى كلها ازمات ولكن تعالى شوف بقى ربنا سبحانه وتعالى بيقول وبشر الصابرين يبقى خلينا نتفق إن الأزمه تساوى الفرصه

طيب إزاى يتكون الضغط النفسى

حضرتك لما بيقابلك موقف معين فى الحياة أو مشكله فى الحياة بيبدا يحصل تفاعل بين مصدر المشكله وإستجابتك ليها فبيبدأ الإنسان يحس بسرعة فى نبضات القلب ونسبة الإدرنالين فى الدم ترتفع والإنسان يبدا يتوتر ويقلق والتوتر ده يعتبر تنبية إن فيه موقف خطأ حصل المفروض إننا نعالجه .

والمشكله الكبيرة إن الإنسان لو فكر فى المشكله دة بشكل سلبى هيبدا يتوتر أكتر ويقلق لانه ربطها بالمشاعر والأحاسيس وفيه دراسة بتقولل إن الإنسان بيستقبل 60000 الف فكرة يوميا منهم 48000 فكرة سلبيا فلازم احنا نفكر فى الإيجابى .

إزاى نتخلص من الضغط النفسى

1- الوضوء : سيدنا محمد صل الله عليه وسلم وصانا إننا لما نغضب نتوضئ ولما جه بعض العلماء يفسروا دى فقالوا إن الشيطان بيبدا يصطاد الانسان وهو غضبان ويخليه يعمل تصرفات خطأ طيب الشيطان مخلوق من النار واللى يطفى النار هى المياة فلما تغضب عليك بالوضوء

2- الصلاة : تانى خطوة إنك تصلى لما تغضب تصلى ربنا سبحانه وتعالى يقول ( وَنَحْنُ أَقْرَبُ إِلَيْهِ مِنْ حَبْلِ الْوَرِيدِ ) شوف الروعة بقى فى الأية دى شوف عظمة ربنا سبحانه وتعالى ربنا سبعانه وتعالى بيقولك ليك انه قريب منك جدا وانت قلقان وغضبان وخايف اول ما تغضب تصلى وتكون فى خشوع تام تكون واثق ان الله سبحانه وتعالى هيخرجك من اللى انتا فيه ومؤمن بدة وان شاء الله هتكون احسن وافضل .

3- الإستغفار والدعاء : بالإستغفار تزول الهموم دائما عليك انك تدعى ربنا سبحانه وتعالى وتقول دائما اللهم انى اعوز بك من الهم والحزن والعجز والكسل والجبن والبخل وغلبة الدين وقهر الرجال اللهم ارح قلبى اللهم استرنى اللهم ارضى عنى .

بعد مده فيه مجموعة من الخطوات الثانية اللى هتفيدك كمان بعد ما تعمل دول تعملها على طول

اول حاجه انك تبدا تغير من وضع جسمك تقعد ظهرك مفرود وتتنفس بشكل صحيح لان العقل والجسم كل منهما يؤثر فى الاخر فمش عاوزك تقعد بطريقة المحبطين ابتعد عن التفكير السلبى حط لنفسك هدف واسعى وراة وحارب من اجلة

وهنعمل مع بعض تمرين التخيل وعلماء النفس والدراسات النفسية اثبتت ان التخيل بيخلصنا من التوتر والقلق والعصبية

الخطوة الأولى : حاول ملابسك تكون واسعة ومريحة

الخطوة الثانية : أجلس فى مكان هادئ مريح فيه تهوية جيدة

الخطورة االثالثة : اجلس وظهرك مفرود وكف قدمك على الأرض

الخطوة الرابعة : أبدا خد شهيق وزفير بهدووووووووء لاحد ما تسترخى وأغمض عينيك بهدوء

الخطورة الخامسة : ردد معى الكلامات الإيجابية دى

أنا قادر إنى أتحكم فى نفسى أنا قادر إنى أسيطر على القلق والتوتر أنا واثق فى قدراتى

لا يكلف الله نفسا إلا وسعا فأى موقف هيقابلنى أنا واثق انى هقدر اتحملة واواجهه واتغلب عليه إن معى ربى سيهدين لا يوجد مستحيل انا واثق فى قدراتى إشهد ياعالم مفيش حاجه هتوقفنى وهنجح يعنى هنجح هعيش سعيد رغم كل الظروف هعيش سعيد رغم كل المشاكل هعيش سعيد رغم كل الإحباطات مفيش حاجه اسمها فشل ولكن فيه حاجه إسمها خبرة فيه حاجه إسمها تعلم هنجح يعنى هنجح وقل فى النهاية الحمد الله الحمد لله الحمد لله