بص يا سيدى .. بقلم / بسنت ابوالعلا كل الكون قبلك كان .. والجاى ف قربك عمر جديد ..العمق نيوز

بواسطة hadwa mahmoud في نوفمبر 9, 2022

الضحكه اللى ف بعدك بايخه ..

وكل الايام ف ووجودك عيد ..

اضحك دايما اصل عنيك

ميلقش عليها التكشيره ..

والدنيا ان كانت جايه عليك ..

ف هجبلك فرح الكون تصبيره ..

قلبك ابيض يابن الناس

التلج قصاد قلبك غامق ..

مقدرش اعيش يوم من غيرك ..

صدقنى

دا وجودك فارق ..

ووجودك سكر دنيايا ..

وايامى الماسخه اهى بتحلو ..

وانت بعيد..

كل الكون ساكت ..

قربك دا اللى بيعمل جو ..

شايف الفرحه اللى ف عينى ..

بقالها كتير سايبه الننى ..

جيت ولقيتها جايه وراك

مكدبتش لما بقول

دى الفرحه بجد ف قربك منى ..