تم إختيار مشروع أطفال مفقوده اللي عملناه مع جامعة Boston University كأفضل مشروع هادف بإجماع الأصوات.

كتبت/نهى عبد الخالق

 التعاون اللي حصل بيننا و بين طلبة الجامعه و فريق #spark المتخصص في الذكاء الأصطناعي كان عباره عن تطوير تطبيقاتنا و دعمها بذكاء الاصطناعي عشان نستخدمها في تحديد هوية الأشخاص بهدف المقارنه بين المفقودين و المعثور عليهم. التطوير ده كان علي مجموعة مستويات: –

بإستخدام الذكاء الاصطناعي هنقدر نحول الصوره الجانبيه لأي شخص الي صوره عمودية علي الوجه و كإنها صوره شخصيه. – تطوير تكنولوجيا ال face recognition اللي هنستخدمها علي نطاق واسع الفتره اللي جايه.

– تطوير تكنولوجيا بإستخدامها هنقدر نرفع دقة الصور اللي بتوصل لنا عشان كثير بتكون جودة الصوره عند الاسره ضعيفه

و بالتالي بيكون صعب نتعرف علي نفس الشخص في اي صور تانيه عندنا. شكرا للشباب المحترم اللي اشتغل معانا علي مدار شهور عشان نقدر نخرج بالنتيجه دي ..

شكرا لجامعه بوسطن علي اختيارهم لأطفال مفقوده في #مصر عشان يدعموها. #أطفال_مفقوده