جروب صوت مصر بالخارج يتابع المصريين بعد وصولهم الي ارض الوطن

كتبت الدكتورة/صفاء احمد عودة

مدير مكتب الكويت

ارشادات من الاطباء بكيفية التعامل لضمان سلامتك بمصر من بداية خروجك من البلد المضيفة بالخارج الي ام الدنيا وطننا الغالي مصرمن فريق العمل من اطباء صوت مصر بالخارج
دكتورة نورهان العباسي
سلام عليكم
ان شاء الله توصلو سالمين للأهل
أولا:أهم حاجه تبعد عن أي ضغط نفسي أو توتر لأنه بيأثر علي مناعتك.. خلي معاك عصير ليمون فريش كدا طول الرحله… روق كدا وخلي بالك طويل.. تكون طالع معاك إزازه كحول إيثيلي ٧٠٪… يفضل ما تلبسش جوانتي اصلا لانه

ممكن يكون سبب لنقل أي عدوي لا قدر الله أول حاجه تمسكها ترش عليها من الكحول… أول ما يتاح الفرصه إنك تغسل إيدك بالصابونه لا يقل عن ٢٠ث تغسلها علطووول..

ما تلمسش عينك ولا انفك ولا وجهك ككل.. تلبس كمامه نوعها نضيف ونتعلم نشيلها بطريقه صح.. لو الرحله مطولهأكتر من ١٢ ساعه نغيرها بواحده تانيه.. نحاول بقدر الامكان نغسل ايدينا كل نص ساعه لو أمكن.. ضروري تغسلها..

خلي معاك أدواتك لنفسك.. وإزازه الميه أو العصير لاستخدامك الشخصي
ثانيا:ممنوع السلام بالايد نهائيا نخلي ف مسافه لا تقل عن متر بينك وبين اللي جنبك..

ثالثا :وصلنا بالسلامة البيت بلاش سلامات وأحضان الحمد لله شوفنا بعض… نرتاح ف البيت ١٤ يوم وبردو تستخدم أدواتك الخاصة بس… والتعقيم المستمر لحمامك لو ما فيش إلا واحد ف البيت.. يفضل ليك واحد لوحدك لو مفيش تعقيم علطول…

.
ان شاء الله أكون قدر أوصل معلومه تفيدكو.. ترجعو بالسلامه.
وفي نهاية حديثنا ارجو من كل ابنائي تتبع الارشادات ومتابعتنا حال وجود لا قدر الله اي اعراض وايضا متابعتنا للاطمانان علي الجميع
مع تحياتي
د صفاء عوده.