شاهد| السيسي لأحد المقاولين: “يا حج سعيد تاخد 25% وتخلص الكوبري في سنة”
وجه الرئيس عبدالفتاح السيسي حديثه لأحد المقاولين الذين يشاركون في إنشاء المحاور والكباري بصعيد مصر.
وتساءل الرئيس السيسي: “الحج سعيد موجود، يا حج سعيد تشتغل في محور دشنا وتخصله في سنة”، ليرد عليه المقاول: “أخلصه يا فندم”.
وقال الرئيس السيسي: “طب تاخد الفلوس بعد سنة”، وحين ضحك المقاول، واصل السيسي حديثه: “أحرجتك، مش عاوز أحرجك، طب أديك جزء”.
وأضاف: “لو أوامر ما دفعش، طب تاخد 25% لحد ما تخلصه في سنة”
ثم وجه كلامه للمهندس هاني تادروس: “تدخل تعمل الكوبري بتاع دار السلام، وتاخد 25% ولما تخلص تاخد الباقي”، ليرد عليه: “تماما يا فندم”.
وسأل عن الكوبري الثالث وحين علم أنه من تنفيذ النيل العامة للطرق والكباري وجه كلامه للفريق كامل الوزير، وزير النقل: “موافق على 25% يا كامل”
ليختتم السيسي كلامه: “طيب ندخل في الـ3 محاور دول، عشان نبقى خلصنا خطتنا، وأنا بشكر المقاولين المشاركين في المشروعات، والناس اللي شغالة مع الدولة ناس جدعان أوي”.