قصيده بعنوان دنيا صعبه

دنيا صعبه و غريبه فيها البشر صنفين

ناس. قلوبها دهب، وناس وحوش ملاعين

ناس بتاكل جاتوه. وفي النعيم عايشين

وناس بتاكل فول وبالقليل راضيين

ناس بتلبس حرير وفي القصور ساكنين

وناس مش لاقيه الغطاء وفي القبور نايمين

ناس فلوسها كتير معاها بالملايين

وناس ديما حزينه ومن المرار شاربين

ناس. بتسرق وتنهب وفي السماء طايرين

وناس بتتعب و تشقي غلابه و مظلومين

ناس بتضحك. علينا وتتكلم باسم الدين

وناس بتعبد ربنا مظلومه مكرهوين

ناس عايشين جبابره وعلينا جبارين

وناس بتشرب خوف. وفي سجنه محبوسين

بقلم الشاعر محمد سعدون

جريدة العمق نيوز