سمعت اليومين اللي فاتوا ان كلام غريب بيتداولوه ناس عندهم نسبة عالية من التخلف العقلي بعيد عن السامعين يعني ايه يتقال كلام ان ريسنا و قاءدنا و كبيرنا وقع على اتفاقية لبناء سد النهضة و السماح لأثيوبيا بحرية التصرف فيه؟ ريسنا عايز يعطش شعبه مثلا؟
ولا عمال يستصلح في الصحرا و يزرع في ملايين الأفدنة لتحقيق الإكتفاء الذاتي من القمح و زيادة المحاصيل الزراعية عشان سعرها يقل و الناس تاكل و تحس بوفرة المحاصيل و سعرها يقل عشان بعد كدة ما نلاقيش مية ترويها و تبور و تبوظ؟ طيب لو الكلام دة مظبوط الدلعدي وزير الخارجية الأثيوبي قعد ينتع في قلبه ليه في اجتماع مجلس الأمن و يبرر موقف بلاده الدنيء و نيتهم القذرة في التحكم في منبع النيل؟
ما كان بمنتهى الهدوء طلع الوثيقة اللي مضاها الريس بموافقته على كل دة و أسكت الدنيا كلها لو أي حد من اللي بيرددوا التخلف دة فكر ولو لحظة قبل ما يفتح بقه بالباطل كان لا يمكن يعقل الكلام دة و لا يفكر يردده…لا دة كمان لما يسمع حد بيقول كدة على كبير البلد كان حدفه بأي حاجة قدامه. المواقف كلها واضحة للجميع لكن في الأوقات اللي زي دي بيبان الوطني من الخاين و الثابت على مبدؤه من المهزوز. غير مقبول بأي صورة من الصور التشكيك في نزاهة القيادة السياسية
أو الإختلاف على وطنية و مصداقية و صواب قرار القيادة السياسية المصرية في الوقت اللي هو يحدده و يشوف فيه مصلحة بلده و شعبه. يعني ريسنا عمال يبني في البلد و يفتح ملفات شاءكة من سنين عشان يحلها و يغامر بشعبيته في الاصلاح الاقتصادي اللي احنا شايفين آثاره على كل مناحي البلد في كل المجالات عشان بعد كدة يعطش شعبه
و يوقع على وثيقة اعدامه؟ في بني آدم عنده ذرة مخ ممكن يعقل الكلام دة؟ من الآخر و دة كلام لا مجال للجدال فيه الرءيس المصري المشير عبد الفتاح السيسي عنوان للوطنية المطلقة المجردة من أي مصالح غير بناء بلده على أسس قوية و العمل على رسم مستقبل آمن و مستقر و كريم لشعبه و للأجيال اللي جاية بإذن الله..
.و اذا احنا في الفترة دي قدرنا نتحمل ضغوط عشان بلدنا تقف على أسس قوية فلازم يكون هدفنا متجرد من اي مصالح شخصية و نيجي على نفسنا لإصلاح بلدنا اللي اهملت سنين و سنين في عهد النظام السابق اللي ساب البلد تغرق في الديون و العشواءيات و الدعم و اللي بيحاسب على كل دة دلوقتي هو مواطن مصري أصيل قدره يتحمل المسؤولية في أحلك فترة بتمر بيها مصر.
عيب أوي اوي لما نسمح لأي خاين يشكك ثقتنا في ريسنا. في الوقت اللي انا بكتب فيه الكلام دة في ملايين من المصريين جاهزين بأرواحهم عشان يقفوا في ضهر الجيش و القيادة عشان بلدنا. من الآخر كدة ” لا مساس بنقطة مية من مياه مصر” زي ما ريسنا بيقول. موضوع السد حيتحل…
بالذوق بالعافية حيتحل بعون الله و كرمه ثم بعزيمة رجال مصر المخلصين صناع القرار و بشعبها الوطني المخلص. ياريس..
.ياللي شيلت روحك على ايدك عشان بلدك في اصعب الظروف عشان مصر ما تقعش و تتقسم..
..سير على بركة الله ملايين المصريين في ضهرك و الله خير معين. تحيا مصر يا غالي تحيا مصر يا نور عين شعبك و يا روح ما بعدك روح…مصر و بس. خلص الكلام.
