كلمتين صغرين على الماش:

للأسف فى الفترة الأخيرة أنا شايف الناس كلها بتتكلم فى موضوع واحد ومكبره الموضوع أوى وهو موضوع أرجل الفراخ وعاملين من الحبة قبه يا ناس وهو إحنا ليه بندفن رأسنا فى الرمل وبنعمل نفسنا مش شايفين وننسى الحقائق يا سيادنا موضوع أرجل الفراخ ده مش جديد ومن زمان موجود وفيه أسر كاملة عايشة على أكله هو وأجزاء الهياكل للفراخ فبلاش نكبر الموضوع أوى وكأننا أول مرة نسمع الكلام ده وكأن المصريين كلهم كانوا عايشين على الديوك الرومى والسيمون فيميه وبعدين يا سيدى حتى لو مركز البحوث أعلن أن أرجل الفراخ كلها بروتين أكتر من كل إجزاء الفرخة آيه إللى مزعلك هى قالت لك سيب الفراخ وتأكل الأرجل يا ناس ياهو ده كله بحث ويجب عليهم نشره وبعدين هم مش هيمسكوا أيدك وتأكل الأرجل بالعافية يا سيدى يا معالى الباشا المهم لو أمكانياتك تسمح تأكل فراخ ولحمه وسمك ورومى وحتى نعام وغزال كل يوم يا عم ما تأكل بالهنا والشفا وبلاش الكلام الكبير إللى نتكتبه وأننا خلاص بنخلص والدنيا بتنتهى وكأننا داخلين على مجاعة لاقدر الله مصر لسه بخير وكل العالم فيه أزمات وبلاش كل كلامك أن دى إهانة للشعب المصرى يا برنس يا عبقرى دا فيه دول كاملة بتأكل كل شئ موجود على الأرض حتى الحيوانات اللى حضرتك بتضربها بالشبشب ومعملوش واحد فى المليون من إللى أنت بتعمله ولا الهيسه والتهليل إللى أنت عامله وكأن حضرتك المعنى بحياة المصريين والحافظ كرامتهم وكأن حضرتك أمين كوم المصريين بلاش نهيص فى الهيصه وكل واحد وإمكانياته ولا نسيتوا أن فيه ناس بتأكل من الزبالة وأن أغلب الشعب المصرى من الفقراء ولو تقدر تعمل حاجة كويسة لحد ياريت تعملها فى هدوء أحسن من الهبد على الفيس بدون لأزمة وياريت ندور ونتكلم فى الاجابيات ونقول حاجة كويسة لأن الناس مش ناقصه وفيها إللى مكفيها وارجو محدش يأخد كلامى على صدره لأنى لا أقصد أحد بعينه وكلامى على العموم وتحياتى وتقديرى للجميع إللى عاوز يأكل أرجل هو حر وبلاش تعقدوا الناس خلوا الأيام تمر بسلام وإللى يأكل فراخ صافى هو حر وبالهنا وبالله عليكم أرحمونا يرحمكم الله.

ربنا يحفظ مصر وشعب مصر.

تحيا مصر بالمصريين الشرفاء.