محمد سعدون يكتب… نفسي الاقي صبيه
بقلم: محمد سعدون
نفسي الاقي صبيه غزال
وحده جميله بنت حلال
نتجوزعلى طول في الحال
وأخلف منها جوز عيال
تبقى حبيبتي أم عيالي
وتحافظ على شرفي ومالي
تتحمل ان ساء أحوالي
متسبنيش ان قل المال
تبقى معايا وديما جنبي
وتكون أهلي وقصة حبي
و أن خاصمتني تصالح قلبي
متشمتش فينا عزال
أما أحتاجها تيجى على طول
تحضن قلبي قبل ما أقول
وأن أكلت طعميه و فول
متروحشي تشتكي للخال
تسكن قلبي وجوه عنيه
وهسرح شعرها بايديه
وهبوسها برقه وحنيه
وهتبقى مرتاحه البال
أن زعلت همسح دمعتها
وفي حضني ترجع ضحكتها
وبحبي تكمل فرحتها
ونغني أجمل موال
فين الاقيها حلم حياتي
أتجوزها وتبقى مراتي
أحضنها وتحضني ليلاتي
و أوهبها عمري أن طال
بقلم الشاعر محمد سعدون