منذ ساعات قليلة كان فيه فنان يدعى محمود العسيلى كان يقيم حفل خاص به وأثناء وقوفه على المسرح طلب منه أحد الحاضرين أن يصعد لكى يتصور معه وهذا طلب طبيعى ومشروع ويحدث مع كل الفنانين وحب الجماهير هو المكسب الحقيقى لهم ولكن رد الفنان المدعو محمود العسيلى كان صدمه للجميع كان بكل بساطة يتأسف ويعتذر لعدم أستطعاته التصوير مع هذا المتفرج أو يعمل نفسه عبيط وكأنه لم يسمع الطلب ولكن أزاى البيه الفنان يفوت الموضوع كده بالساهل لازم يديله درس فى الأدب والأخلاق ويفهم هذا المتفرج أو المعجب أنه لا شئ وأن التصوير معه لازم يبقى مع شخصيات مهمه بنفس اهمية الفنان اللى محدش يعرف عنه حاجة ولكن تقول آيه أحنا اللى بنعمل فى نفسنا كده وبنعطى لمثل هؤلاء الأهمية وهم لا يمثلون أى شئ فى الدولة تعالوا نشوف رد الفنان المحترم قال آيه بالنص بص للمتفرج وقرب منه وهو فوق المسرح وماسك المايك علشان يسمع كل الجماهير والمتفرجين الكلام ودرس الادب اللى بيقوله للمعجب الغلبان قاله هو حضرتك عندك صفحة جامدة يعنى على الفيس ولا واتس أو انستجرام جامد اوى وهتنشر صورتى وبعدين لما اتصور معاك يبقى لازم اتصور مع الباقى وانا مش فاضى للكلام ده.
يا نهار اسود بالذمة ده رد فنان بيفهم ازاى يكسب جماهير ومعبين وازاى يحافظ على جماهيره اذا كان له جماهير اساسآ اللى حضرتك مش فاهمه يا فنان وأسف أنى بقول يا فنان لأن كلمة فنان دى كبيرة اوى أنت من غير الجماهير دى والناس دى اللى بتحضر الحفلات والله ما هتلاقى تأكل ولا هيكون لك أى ذكرى فى البلد دى وساعتها هتبوس تراب الارض اللى بيمشوا عليه علشان يعفوا عنك وترجع تانى وأعتقد أن ده صعب لأن سقطتك هذه المرة لن يقبلها جماهير الغناء المحترمة ولازم تتعلم فن التعامل مع الجمهور وتفهم أن الجمهور ده هو جسر النجاح بتاعك وبتاع أى فنان والله ما عارفين نلاقيها منك ولا من بعض الفنانين المتخلفين اللى مش بيعرفوا يتكلموا أنتوا لازم تأخدوا كورسات تعرفوا ازاى تتكلموا اولا وتعرفوا تتعاملوا مع الجمهور ثانيآ وكفاية بقى بجد قرفنا منكم وكل يوم والتانى فنان او مغنى له مشكلة مع الجمهور يا تتعلموا الادب يا تقعدوا فى البيت وتريحونا من وشكم ومشاكلكم.
ومثال بسيط هقوله لك علشان تتعلم ازاى تكون فنان وكيف تكسب حب الجمهور كنت حاضر فى أحد الأفراح وكان يحيى الفرح الفنان المحبوب حماده هلال وأقسم بالله من وقت ما دخل الفنان حماده هلال على المسرح وكل الناس احاطوا به أكثر من 400 شخص والجميع يطلب منه التصوير وأنا شاهد على هذا وهذا الفنان الرائع أستجاب لكل من أراد التصوير معه وبكل حب وأبتسامة رائعة وكان يرطب على أكتاف المعجبين والمعجبات والشباب والشابات بكل حنو وذوق وقتها أيقنت ما معنى أن تكون فنان وكيف تكون فنان وكيف تكسب حب الجميع فى الأعمار أو شيوخ أو شباب سيدات أو رجال.
وما فعله الفنان الجميل حماده هلال فعله ايضا الفنان حجازى متقال والفنان رضا البحراوى وأعتقد أن هذا هو الصح ولا يصح الا الصحيح الفنان يعنى حب الجمهور.
ياريت تتعلم وتفهم يا محمود يا عسيلى كيف تكون أنسان أولآ وبعدين تبقى فنان ثانيآ وأرحمونا منكم يرحمكم الله.
وللحديث بقية مادام فى العمر بقية.
