ملعون الوقت
بقلم الشاعرة / نور الهدى على
متابعة المستشار الإعلامى والثقافى / سامح الخطيب
ملعون الوقت
لساك يا حزين
مستنى ساعه ولا أتنين
فى حضن الحلم
تكمل عمر
أساسه نبضه مسروقه
دموع مهدوره ع الفاضى
تقول بالحلم أنا راضى
تلملم من الحرف حبه
وتبنى جدار فيه اتخبى
من الكوابيس
لا انا عروسه
ولا أنت عريس
والحلم اصله م الاول
فى حدوته
حكاها الجد للجده
وركعه بعدها سجده
وفاتحه ويا زغروطه
وفجأه يسألوك رأيك
حلوه ولا ملتوته
تدارى القهر بين
ضلعك
وتضحك ضحكه مكبوته
بدمعه ليه
وايه ذنبى
بقيت كافر بتفاصيلى
بشحت ضحكه من غيرى
عشان الناس تشوف أنى
سعيد ويمر بينا الوقت
ملعون الوقت