كتب / ياسر جوهر
الفترة اللي فاتت كتير بيسألوني عن اللي بيحصل في الأفلام والحجات العجيبة (من وجهة نظرهم) وأذاي دة بيحصل على النت كدة عادي انك تتفق مع قاتل عشان يقتل حد وتحويل الفلوس بتاع عصابات المخدرات وتسريب المعلومات الأمنية وحجات كتير !! هما متخيلين أن دة كلة شغل اكشن وخيال مؤلفين ولو موجود يبأة حجمة مش بالشكل دة .
أحب أقول للجميع ::
على فكرة هو بالشكل دة وأكتر مما انكم تتخيلوة. انتوا عايشين في عالم ضيق جدا (أنتوا متخيلين أنة واسع) بس هو فعلا ضيق جدا أسمة (الأنترنت – Internet).
ودة عبارة عن عالم أفتراضي صغير.
اللي انتوا ما تعرفهوش أن فية حاجة إسمها (الشبكة العميقة – Deep Web) ودي بأة اللي بيحصل فيها مالا يمكن تتخيلة … أيوة اللي انتوا تخيلتوة دة صح وأكتر كمان مليون مرة .
الأكتر بأة أن الـ (Deep Web) دة فية جزء أنيل أوعى تسمح لنفسك أنك تفكر تتخيل اللي بيحصل فية أو التعاملات فية بتتم أذاي , إسمة (الشبكة المظلمة – Dark Web).
الدخول للشبكات دي بيتم بطريقة مختلفة تماما وبأسلوب معقد تماما وأسماء المواقع والخدمات والتعاملات مختلفة تماااااما ….. والعملة المستخدمة في التعاملات برضو مختلفة تماما وإسمها (بيتكوين – Bitcoin) ودي عملة مشفرة ولها قيمة نقدية يمكن التحويل منها وإليها بالنقود العادية.
دي أمثلة على بعض اللي بيتم في الـ (Deep Web):
– الأتفاق مع القتلة المأجورين لتنفيذ (عمليات أغتيال – أغتصاب – حرق – ألخ).
– الأتفاق على صفقات المخدرات بكافة أنواعها.
– مشاهدة والمشاركة في عمليات تعذيب حقيقية لأشخاص مخطوفين (Red Room).
– الأتفاق مع أشخاص لتنفيذ عمليات أختراق لشبكات المؤسسات والبنوك … ألخ.
– الحصول على معلومات أي شخص في العالم منذ ولادتة وحتى هذة اللحظة بكافة المستندات وجميع صورة التي ألتقطتها عدسات الكاميرات في اي مكان (اشارات المرور – المراكز التجارية – ماكينات الصراف الآلي – …ألخ) وتاريخة الطبي واي معلومات.
– جميع المواقع الأباحية الممنوعة والخطيرة والشاذة (الأطفال – الحيوانات – دموي – أغتصاب – … ألخ).
– مشاهدة والمشاركة في حفلات وطقوس (عبدة الشيطان).
– مستندات أمنية وحكومية سرية معروضة للبيع (أسماء عملاء في أجهزة مخابرات – ألخ).
– الحصول على جوازات سفر وبطاقات هوية ورخص قيادة ولكن ببيانات حقيقية مسجلة في قواعد بيانات الحكومات الرسمية (أكتساب شخصية).
– معلومات عسكرية (صناعة الصواريخ – صناعة المتفجرات – التكتيكات العسكرية).
– تجارة البشر وتجارة الأطفال وتجارة النساء.
الموضوع أكبر مما تتخيلوا وأعقد مما تتخيلوا ….. أة كل دة بيحصل وأكتر.
