المغامر المصرى مازن حمزة أول مصرى متحدى اعاقة متسلق جبال يتم عيدة غدا ال 33 عام ربنا يوفقة

للي ميعرفنيش .. انا المغامر المصرى مازن حمزة أول مصرى متحدى اعاقة متسلق جبال ودا مش من فراغ اللقب دا تعبت جدا وحاولت ووقعت وقومت وسعيت وفشلت ونجحت علشان اصنعه وبفضل الله بقيت صانع لرياضة جديدة بمصر

رياضة تسلق الجبال لذوى الاعاقة .

ناس كتير وقفت جمبى وساعدتنى وناس اكتر قفلت فى وشى الباب ما هى الحياة مش وردى ونجاح بس اكيد فشلت ووقعت وقمت علشان أقدر اكمل واتعلم من اخطائى.

منذ عام كان عندى أهداف وأحلام تانيه غير الى حققتها لكن القدر غير احلامى علشان أحقق أحلام غيرى وقف جمبهم وادعمهم فى نجاحهم وشهرتهم بعتبره عام اختبار من الرحمن.

أحلامى صعبه جداً جداً وبتطلب المغامرة والمخاطرة وبكون دارسها علشان اتعلمت من اخطائى وتجاربى السابقة دعواتكم للقادم يكون افضل .

عاوز اوجه رساله لكل واحد بيقراء البوست

أنا مش هنجح غير بيكم بعد توفيق ربنا