بقلم: خالد عمار
ياعم يا بتاع الحكاوى الجميله
يا أبو نفس راضيه
حود عليا نشرب كوبايه شاي تقيله
تقيله حبر
وإحكى لي حاجه عن الصبر
أما المُر بيمر
وملوش مكان عندينا
إحكى لى بس عن الأمل
إحكى لى عن الخير والعمل
وأنصحنى أكون لله شكور
إحكي لى كمان عن الغرور
فوقنى
هيئنى
الزم طريق المستقيم
ربى العظيم
له فى كل خلقه أيه
والدرس واحد
وكل المعانى فى كل حكايه
تعنى الهدايه
والمهم فى النهايه
الحكاية تكون جميله
تشرب معاها كوباية شاى تقيله
بنفس راضيه
أشعار الكاتب : «خالد عمار»
