بقلم: على الشرقاوى
ان الشيطان اطلع فى اللوح فعرف ان فى حد مش هايسجد لأدم .
فإستغرب ازاى فى مخلوق يقدر يعصى رب العزة سبحانه
د بالإضافة طبعا للحقد اللى نبت جواه من البداية على هذا المخلوق الطينى وكرهه و حسده حتى من قبل ما تنفخ فيه الروح .
المهم لما الأمر الإلهى صدر بالسجود سجد الملائكة الحاضرون فى الحضرة الإلهية .
سجدو جميعا إلا ذاك اللعين
كره الامر من قبل ان يصدر و رفضه
ثم تكبر وظن فى نفسه الأفضلية ثم اخذته العزة بالإثم
وقف ينظر للملائكة من حوله وهم ساجدون لآدم تنفيذاً لأمر الله عز وجل
كلهم سجد صحيح
إلا هو
نعم كان كاره ادم ورافض وجوده ورافض انه يسجد له و حاسس انه الأفضل
فوقف وامتنع عن السجود
وفى نفسه دارت افكار كعواصف مهلكة
يمكن الامر لم يشملنى لأنى اصلا مش من الملايكة او يمكن لأنى أحسن وافضل واجمل واكمل واعلم واذكى وازكى واعبد و اتقى وانقى .
طب اقف كده و شوف مين مش هايسجد
ايه ده
د الكل سجد
إلا انا
يعنى انا اللى كانمقدر عليا و مكتوب لى انى مش هاسجد وابقى انا العاصى
طب اسجد و ألحق باقى الملائكة
ولا استمر
لا انا احسن منه
انا مش من اللى شملهم امر السجود
انا مش ساجد .
وعندى المبرر
وبكده طُرد ابليس وبقى ملعون .
عشان كده اوعى تستنى تشوف مين هايعل غلط لانك بكده انت نفسك وقعت فى الغلط
اياك تتفرج على العجايز وهم بيلعبو طاولة فى المقاهى لحد ما يختمو حياتهم فيها وتفضل تتابع لعبهم وتقول يا رب انا لسه صغير يا رب ماتجعلش نهاية عمرى زيهم فى المقاهى والحانات
وتفضل مواظب يوميا على انك تتفرج عليهم لحد ما العمر يسرقك وتتعود وتبقى نهايتك على الطاولة فى القهوة
زيك زيهم
ابعد فورا عن الغلط و احذف وجوده من حياتك و على قد ما تقدر إلزم نفسك بالصح
ماتبصش على اخطاء غيرك ركز فى عيوبك صلح فيها على قد ما تقدر
