بقلم الشاعرة / سلمى ابوسريس
متابعة المستشار الإعلامى والثقافى / سامح الخطيب
نصرخ نشجب ندين
وننادى ياموسى
نزعق صلاح الدين
ونحكى عن حطين
وساعات نشيل الطين
ماشين مع الموضه
بنقطع البناطيل
نسهر مع القنوات
نبكى على اللى فات
جدى بنى الاهرام
واحنا عملنا ايه
الاكل كنتاكى
وبيحففوا الحاجب
مايوقروش لكبير
ولا يعرفوش واجب
وعزانا بقى ع الدش
ويدلعو فى المش
اللبس واتحزق
والوش متلزق
والقلب مش دافى
وضمير ماهوش صافى
لو نعلى بالكلمه
لو نشتغل حبه
كنا اما ندعى الرب
كان يستجيب لينا
بعصى نشق البحر
ونعيش فى قلب الحوت
وننتصر ع العدى
لو حتى بالنبوت
قال الاله لينا
واعدو وعدو
علشان مانرهبهم
دلوقتى طبعنا
وبقينا نناسبهم
ونربى فى شعورنا
وكلاب كمان فى البيت
نسهر لحد الفجر
ونروح غيطانا الضهر
نلقى الديدان ترعى
لو يوم نقضى الفرض
لو يوم نغير ع العرض
المولى ينصرنا
#بقلم _سلمي ابو سريس من ديوان قلبك نبع
