كتب شحاتة أحمد
نعرض ملفات خطيرة بالمستندات عن فساد داخل جامعة أسيوط وهذا الملفات تعتبر موضع ثقة في ايد السادة أعضاء مجلس النواب ومجلس الشورى والسادة الصحفيين والإعلاميين بمحافظة أسيوط.
تلك الملفات تكشف وجوه الفساد المشاركه بها سواء كانت من العاملين بالجامعات المصرية أو من السادة النواب والصحفيين الذين يلتزمون الصمت عن تلك الكوارث الرأى العام والشارع المصري يتسأل لماذا يصمت نواب الشعب المصري ؟ لماذا يصمت الاعلام؟
كل هذا يكشف الحقائق تابعوا معنا.
أرسل لنا بعض أعضاء هيئة التدريس بكلية الطب جامعة أسيوط الكثير والكثير من المستندات ومن الردود حول ما نشر فى الحلقة 27 ،،، والخاصة بأحقية الاطباء على درجة زميل بالمستشفى الجامعى على الحقوق المعنوية كالتدريس والاشراف على الامتحانات وكذلك الحقوق المالية .
سننشر لسيادتكم كافة الردرود والمستندات التى وصلت لى ،، بالرغم من مراجعتى للموضوع لأكثر من 6 ساعات حتى أقوم بتلخيصة ،، ولكنى قررت أن أنشر كافة الردود وهى للاسف كبيرة جدا ولكن بسبب ، ان كل كلمة ورائها قصة فى عزبة جامعة أسيوط
قال أعضاء هيئة التدريس
المادة التانية اللى استند عليها و هى مادة 98 اللى بتقول ان الاشراف يبقى للاساتذة و الاساتذة المساعدين أو غيرهم ، و فى هذة الحاله اللى هى غيرهم يجوز للمدرسين الإشراف . يعنى من الآخر غيرهم دى تعود على المدرسين أولا و ثانيا و عاشرا
لان دى جابت من الآخر لا يجوووووووز تنتدب حد من خارج الكليه للتدريس الا اذا اكتمل النصاب القانونى معنى كدا ان متجبش حد يشرف و يدرس الا اذا كل اعضاء هيئة التدريس اخدوا اشراف و قاموا بواجبهم على أكمل وجه و اعتذروا و قالوا مش عايزين
مادة 287 دى جابت من الآخر و قالت لا يجوز الندب للقسم للتدريس إلا إذا …….و أعتقد بقى الإشراف تدريس ولا حد ليه رأى غير كدا و حتى لو حد حاول يلتوى ويقول الإشراف مش تدريس هنرد أنه بالقياس زى ما أستاذ طارق أفتى أنه بالقياس فمادام لايجوز الندب للتدريس فأيضا لا يجوز الندب للقسم للإشراف إلا إذا……..
و اعتقد ان كليه الطب إتبنت سنه 1960 يعنى ليها 70 سنه بتخرج أجيال مش عارفه تخرج معلم أكاديميى علشان يشرف على طلاب الدراسات العليا و يدرس و رايحه تجيب الزملاء اللى هم متخرين من نفس ذات الكليه برضوا سبحان الله يشرفوا و يدرسوا . والله العظيم دى فضايح و المفروض تتنشر فى تقرير ف الجرايد الرسميه لان الجامعه اللى مش عارفه تخرج معلم أكاديمى ليها 70 سنه تروح تقفل أبوابها و يجيبوا ضلفها أحسن
مثلا ..أرغم الكليه انها تحط د. (s ) مثلا كمعين مشرف على طالبة دكتوراه رغم ان دا مخالف للقانون لان s اصلا مش عضو هيئة تدريس دى زميل
يعنى مقلش زميل بقسم كذا بالمستشفى الجامعى
بص يا فندم دا قرار التعيين بتاع الزميل الكلام واضح جدا زميل بالمستشفى الجامعى
يعنى المدرس قرار تعيينه بيكون يعين السيد فلان… فى وظيفه مدرس بقسم العظام مثلا بكلية الطب دا الفرق
و ساوى الزميل فى باقى الماديات يعنى بياخد الريادة العلميه و الساعات المكتبه و مكافأة الأبحاث زيه زى عضو هيئة التدريس بالظبط
واخد بال حضرك ياخد مكافإة إشراف إذا قام بالإشراف الفعلى و إذا فى اللغة العربية تلغى الإلزام يعنى لو أشرف نديله لكن لو مأشرفش لان دا مش دوره خلاص منديش مكافأة إشراف.
لان الاقسام تتبع الكليه و ليس المستشفى
و مش معقول يدوله مكأفاه على تدريس و دا مش وظيفته إنه يدرس لانه مش فى الكلية هيدرس إزاى يعنى!
كدا هم أخدوا كل الفلوس اللى بياخدها عضو هيئة التدريس ماعدا المكأفأه بتاعت الاشراف اللى هو جزء أساسى من منهج الدراسات العليا
لكن الإشراف لأ لأن دا تدريس مينفعش يعمله ولا من واجبه و علشان يقوم بالتدريس يبقى لازم يتم انتدابه رسميا و دا مستحيل لان بسم الله ما شاء الله العدد ف الليمون هنتدب واحد من نفس الجامعه ليه و متخرج من نفس المكان اللى أنا اتخرجت منه
و لمعلومات حضرتك قسم العظام هو القسم الوحيد اللى مفيهوش زميل . و هو د. طارق قالها صريحه مفيش حاجه إسمها زميل ف قسم العظام
و زمايلنا كتبوا شكوى فى الحكايه دى لانهم بمنتهى البجاحه تخطوهم
دا التوصيف الوظيفى لدرجة زميل اللى هو بنفسه إعتمدها
النطاق المكانى للزميل هو مباشرة وظيفة عضو هيئة التدريس داخل المستشفى الجامعى اللى هو العمل الأكلينيكى بينما ما يقوم به عضو هيئة التدريس من مهام خارج المستشفى الجامعى اللى هى التدريس و الإشراف على الدراسات العليا فيقتصر القيام بها على عضو هيئة التدريس بنص قانون تنظيم الجامعات و لا يمتد إليه أثر القانون 115 و إلا كل الزملاء من الصيادله بالمستشفى الجامعى يدرسوا فى كلية الصيدلة ، و كل الزملاء من الحقوقيين فى الشئون القانونيه يدرسوا فى كلية الحقوق ،. و كل اطباء الأسنان بمستشفى الجامعة يدرسوا فى كلية طب أسنان و كل اللى على وظيفة زميل بالمستشفى الجامعى من المحاسبين يدرسوا فى كلية تجارة
و الدليل ان قرارات السادة الزملاء بجميع التخصصات الأطباء والصيادلة و التمريض موجودة ف شئون الأطباء بالمستشفى بينما قرارات أعضاء هيئة التدريس موجودة فى كلية الطب
كلية الطب هى كلية أكاديمية بحته تدرس منهج الطلبة و منهج الدراسات العليا زى كلية الصيدلة و الحقوق و التربية والكليات تخضع لقانون تنظيم الجامعات
أما المستشفى الجامعى هى خدمة إكلينيكية للمرضى تتبع قانون خاص بيها وهو قانون تنظيم العمل بالمستشفيات الجامعيه العاملين بالمستشفيات الجامعية لا يتبعوا كلية الطب وإلا كنا إعتبرنا هيئة التمريض و الصيادلة و الشئون القانونيه دول موظفين بكلية الطب
أعضاء هيئة التدريس دول تابعين لكلية الطب و علشان كدا لهم أجازة سنويه ف الصيف زيهم زى كل الكليات ف الجامعة و رغم إن ليهم أجازة المستشفى مبتاخدش أجازة من المرضى لان المستشفى هيئة مستقلة بذاتها و العاملين فيها يتبعوا إدارة المستشفى و الأطباء فيها ليهم إدارة إسمها شئون الأطباء
أما أعضاء هيئة التدريس يتبعوا كلية الطب و الإدارة بتاعتهم اسمها شئون أعضاء هيئة التدريس بكلية الطب و ليس المستشفى
من فضلك يا ا.محسن متساعدهوش يهدم جامعه هو هيمشى ف شهر يناير لكن لو عمل كدا هيخربها
يعنى ينفع أجيب واحد خريج خدمة إجتماعية وأقوله إدخل درس الطلبة لغة عربيه مثلا
هو ينفع حد غير المدرس يدرس فى المدارس
ناس أوائل دفعة اتعينوا ف الكلية مدرسين ما تخليهم ياخدوا حققوهم
القانون واضح يا فندم بس هو عايز يدلس و يزور
ليه عايز تجيب اللى لف من الباب الخلفى اللى انت فتحته بإيدك و كان مرفوض تماما قبلك ياخدوا حقوقهم علشان ملناش حد يعنى وطالعين بمجهودنا
ياسيدى اللى متعين بالمستشفى دا يتبع المستشفى لو المستشفى من وظيفتها توزع الأعمال الأكاديمية و التدريسيه خلاص توزعها لكن الحاجات دى إختصاص كلية الطب والكلية هى اللى بتوزعها
أستأذن حضرتك تنزل تصحيح للبوست 27
بس انا حسيت انهم بيجرجروك تقف فى صف اللى هو عايزه لان الكل عارف ان حضرتك بتطلع فضايحه فلما جرجروك للبوست 27 دا حضرتك هتخسر قاعده كبيييرة جدا من أعضاء هيئة التدريس اللى متابعين حضرتك و هيخافوا يتواصلوا معاك هيشكوا ان حضرتك اتغيرت
دا الفهرس يا فندم من غير حتى تفاصيل نص بوضوح من هم القائمين بالتدريس و البحث ف الكليات و رقم 3 اللى هم مدرسوا اللغات دى اشترط فيها عند اقتضاء الحاجه و يكون لمدة سنتين بس . طب دا المعدل بعد قانون 115 ليه مضفش عليهم. السادة الحاصلين على درجة زميل ف المستشفى الجامعى . دا ابسط و اسهل دليل من غير حتى تفاصيل
و لسه مادة 287 زى ماهى لا يجوز الندب للتدريس بالدراسات العليا …….
قرار 3300 لسنه 1965 دا اعتمده رئيس الجمهوريه لتنظيم العمل بالمستشفيات الجامعية و دا سارى لحد دلوقتى
يارب تكون الامور وضحت و حضرتك قدرت تستوضح الصورة.
الجزء التانى اللى معلم لحضرتك عليه هتلاقى ايه ان المستشفيات الجامعيه عبارة عن و حدات مستقله فنيا و إداريا. تعتبر جزء من كلية الطب علشان الخدمة العلاجية التعليمية لان طلبة الطب لازم يتمرنوا عملى بس مين بقى يمرنهم اكيد اللى درسهم المنهج النظرى ف الكليه. لكن كإدارة هى مستقله عن كلية الطب فيها موظفين و عمال و تمريض و دكاترة غير اللى أعضاء هيئة التدريس خالص
دى مواد القرار و هى ان وظيفة المستشفيات الجامعية هى الخدمة الطبية اللى بتنقسم 3 أقسام و هو
1. خدمة طبية تعليمية اللى هم طلبة الدراسات العليا و دول لازم يكونوا تحت اشراف أعضاء هيئة التدريس بنص قانون تنظيم الجامعات لان الشهادة بتاعتهم بتبقى طالعة من كلية الطب يعنى مثلا ماجيستير الجراحة كلية الطب جامعة أسيوط. لكن مينفعش أقول ماجيستير الجراحة من مستشفى جامعة أسيوط لان التدريس دا وظيفة أكاديميه
وظيفة طبية بحثية بمعنى ان المفروض تعمل أبحاث طبية داخلية
المستشفى زى مثلا محاولة أكتشاف او تجربة علاج على مرض مستعصى زى مثلا تجربة دواء الريميديسيفير فى مرضى الكورونا دا اسمه بحث طبى لان دا وباء طلع فجأة و المفروض انا كمستشفى مقفش اتفرج المفروض أهيأ البيئة المناسبه لإجراء الابحاث العلاجيه
3 خدمة طبية علاجية زى العيادات الخراجية و العمليات الجراحية دى خدمة مقدمة للم…
وهناك أمثلة
(ط ا ط ) ابن الدكتور (ا.ط)استاذ المسالك و برضوا متعينش رغم واسطة ابوه ف القسم لان ترتيبه كان متأخر جدا جدا . طب ايه نسيبه يعنى و نزعل د. ا ط
خد عند حضرتك حقيقة بعض الزملاء
(ل م ب) زميل بقسم الأمراض الصدرية تبقى مراة أخو طارق الجمال و كان مستحيل تتعين لانها رقم 8 ف القسم ف السنه بتاعتها و قسم أمراض الصدر بياخد الأول والتانى بس
(ه ج ح )دى بنت الاستاذ الدكتور ج ح استاذ أمراض الصدر بس كان ترتيبها متأخر مينفعش تتعين رغم كل واسطة أبوها نسيبها و نزعل د. جمال حامد لا نجيبها زميل ترازى فى أولاد الناس اللى اجتهدوا
(م ف) أخو جوز بنته زميل بالاستقبال العام تخصصه باطنه أمراض متوطنة و القسم كان رافض بشده لان ترتيبه متأخر دا بقى قاعد مقيم فى مكتب رئيس الجامعه
دكاترة التخدير اللى بيشتغلوا معاه برايفيت يسيبهم لا جابهم زملاء بالمستشفى و فرضهم على الناس غصبا
دا قرار تعيين أصغر مدرس بكلية الطب لو سمحت حضرتك قارن بينه و بين قرار تعيين الزملاء اللى بعته لحضرتك
هتلاقى ان المدرس مكتوب له مدرس بقسم التخدير و كلية الطب .
اما الزميل لأ دا زميل بالمستشفى و ليس الكلية ملوش اى دور أكاديمى دور علاجى فقط .
هسأل حضرتك سؤال هل الطبيب اللى على درجة إستشارى بمستشفى المبرة ينفع يدرس فى كلية الطب ما درجة إستشارى بالمستشفيات موازية لدرجة أستاذ بكلية الطب هل ينفع يا فندم.
دول ناس كلهم واسطة مجموعهم مكنش يأهلهم انهم يتعينوا بالكلية فلفوا من الباب الخلفى و الله لا يسامحه و يديه على قد ظلمه هو اللى فتح لهم الباب علشان الواسطه و العلاقات اللى مخلياه قاعد كاتم على نفس كلية الطب لحد دلوقتى دا من فجره بيجى يحضر مجلس الكلية بالإجبار و احيانا مجالس الأقسام
هو اللى زقهم على حضرتك و اغلب الظن اللى كلم حضرتك من الشرطة دا يبقى قريب الزميل اللى ف قسم التخدير لان فيه واحد فعلا عائلته كلها قضاء و شرطه و اخدوا حاجه اسمها طبيب زائر اللى هو يدفع فلوس علشان يدخل يتعلم ف مستشفى الجامعه من أعضاء هيئة التدريس و اهو علمناهم و جايين يعضوا فينا وعايزين يدرسوا ف الكلية. طب انتو اتساويتوا بينا ماليا عايزين ايه تانى تدرسوا ف الكلية ازاى بس وانتو مش على قوة الكلية يا عالم .
اللى عايز يعمله دا فجر و الله لما الطلبة يلاقوا ان اللى بيدرسولهم مش اعضاء هيئة تدريس و مش أوائل الدفعات تفتكر الطالب هيذاكر و لا يجتهد ليه علشان يبقى استاذ جامعه هيقولك ماهى كدا كدا واخدينها الواسطه والله هيدمر أجيال و يقتل الحماس ف نفوس الأطباء …
و يقولوا مساواه فين المساواه ف الفجر دا . انتو اصلا لولا الواسطة مكنتوش قدرتوا تدخلوا الجامعه. احنا كليه ليها 70 سنه الدفعه كل سنه ع الأقل 700 طالب . طب ايه معرفناش نخرج أجيال يدرسوا ف الكلية ما يعينوا الأوائل بدل ما القسم ياخد 2 ياخد ال 5 الأوائل . لكن بسلامته لأ يعين اتنين و يجيب 3 ولا 4 بالواسطة من آخر الدفعه
منه لله هو اللى بلانا بالظلم دا وهو اللى بدعه
رئيس الجامعة السابق قالهم انا دكتور بكليه علوم هل ينفع خريج كلية العلوم اللى بيشتغل باحث ادخله يشرف و يدرس طلبه كلية العلوم
بصراحه كان راجل محترم الله يباركله . من 2012 و هم بيحاولوا وهو بيساعد علشان يهدموا قانون تنظيم الجامعات . طب بدل ما تعين اتنين ف القسم الواحد عين العشرة الأوائل فى كل قسم دا عدل ربنا لكن تاخد اتنين ف الأول و تجيب الباقى من أواخر الدفعة من باب البدروم طب ليه حرام عليك ما انت مشيت الأوائل
الورقه دى حضرتك ناشرها واخد بال حضرتك من التاريخ اللى ع اليمين كانت فى 2012 مكنش طارق الجمال رئيس جامعه كان ساعتها عميد كلية الطب وهو اللى ابتدعها
رئيس الجامعه كان د. مصطفى كمال ربنا يكرمه و كان عارف ان طارق الجمال هو اللى جايبهم قالهم انتو عارفين و انا عارف انه مش حقكم انتو مش متعيين ف كلية الطب علشان تدرس انت طبيب بالمستشفى.
د. مصطفى كان راجل محترم جدا جدا و قالهم مقدرش أديكم حق مش حقكم لأنى لا أملكه دا قانون تنظيم جامعات لو حد كان وعدكم بحاجه فهو وعدكم بما ليس فى إيده و لا فى إيدى و لو طلعت قرار باللى انتو عايزينه أبقى عملت زى وعد بلفور وهو وعد من لا يملك لمن لا يستحق و هظلم أجيال إجتهدت و كافحت علشان يبقوا ف مستوى اللى يوهلهم لتدريس طلبة الكليات. لكن مش كل اللى يتخرج من الكلية يبقى أستاذ فيها مجتهدتوش ليه وقت ما كان مطلوب الإجتهاد انتو جايين دلوقتى تجتهدوا إنكم تاخدوا حق مش حقكم. اديلك تدريس و اشراف إزاى و دى لائحة كليه انت مش بتشتغل فيها اللى خلط الأمور فى دماغكم ياريت يصلحهالكم.
الكلام دا مش مظبوط . دا احنا اللى عايزين نتساوى بيهم ماليا لان الضرايب اللى بتتخصم مننا ضعف اللى بيتخصم منهم
هم مطلبوش مستحقات ماليه لانهم اصلا واخدينها من وزارة الماليه
اهو يا فندم دا الطلب اللى كانوا مقدمينه بإيديهم فى كل الأقسام هم عايزين تدريس و إشراف على دراسات عليا و يدخلوا يمتحنوا طلبة الكليه. . الطلبات دى اتقدمت ف كل الاقسام اللى فيها زملاء و اترفضت فى كل الاقسام لان اللى طالبينه دا مخالف لقانون تنظيم الجامعات و لائحة الكلية . محدش يقدر يشغلهم ف كلية الطب لانهم مش على قوتها
عايز تكشفهم قولهم إدونى صورة من الطلبات اللى قدمتوها علشان تصرفوا مستحقاتكم المالية. اكيد اللى ليه قرش مش بيسبوه يعنى بيطالب بيه مرة و اتنين و تلاته
اهو يا فندم فى التعيين بتاعهم وزارة المالية هى اللى بتمول درجتهم مش الجامعه خالص. و وزارة الماليه هى اللى بتصرفلهم كل مكافآت أعضاء هيئة التدريس.
الورق مش عليه أى تأشيرات او حتى موافقة او اى أختام
و اترفضت بالإجماع ف مجلس الجامعه . يعنى دى مذكرة مش قوانين و حقوق حضرتك فهموك غلط. و اللى كان كاتبلهم المذكرة دى د. (ع ع ا ) دا مدير الشئون الطبية و العلاجية و تقدر تقول دراعه اليمين فى المستشفى
