الشاعر محمد الحسيني يشارك في مسابقة نجوم الفن بقصيدة “العوض”
كتب / أحمد محمد
يشارك الشاعر الشاب محمد الحسيني بقصيدة “العوض” في مسابقة نجوم الفن، و التي تحتوي على الكلمات التالية:
انا عايش بس عشان اراضيكي
وان قولتِ ف يوم آه اداويكي
وان قولت”بحبك” هتكون ليكي
ولو خوفت ف مره تطمني عنيكي
انا كل مُنايا بدبله تلبسها ايديكي
انا كل مُنايا رضاكي..وبحلم بحياه وياكي
واعيش العمر معاكي..انا اصلا دايب ف هواكي
دلوقت بقولك كان نفسي اقابلك من زمان
قلبي اللي كان بور لما قابلك نبّت ورد
انا كنت خايف قبلك جيتي انتِ ووهبتيلي الامان
وبقتيلي الحُضن اللي بيحميني من كل نوبه برد
انتِ العوض وانتِ الحياة
وانتِ اللي لو شُفتك كل ثانية هقول الله
انا كنت ناقص من غيرك..جيتِ انتِ وكملتيني
وقلبي خضّر من خيرك..ف اياكِ ف يوم تسبيني
الشِعر لو مش ليكِ..ف لمين يِتقال
انا شوفت بس عنيكِ..ف بقيت ميّال
