تسجيل الدخول
تسجيل الدخول
استعادة كلمة المرور الخاصة بك.
كلمة المرور سترسل إليك بالبريد الإلكتروني.
عاجل
- رئيس اتحاد الوطن العربي الدولي يهنىء رئيس ألمانيا بذكرى يوم الوحدة
- رئيس اتحاد الوطن العربي الدولي يهنىء المستشار الألماني بذكرى يوم الوحدة
- رئيس اتحاد الوطن العربي الدولي يهنىء الدكتور فيصل المقداد نائباً لرئيس الجمهورية. العربية السورية
- رئيس اتحاد الوطن العربي الدولي ينشر تكريم وزير الخارجية المصري السابق سامح شكري
- الرئيس عبد الفتاح السيسي وأخيه سمو الشيخ محمد بن زايد، ، يشهدان الاحتفال بتخريج دفعات جديدة من طلبة الكليات العسكرية
- رئيس اتحاد الوطن العربي الدولي يهنىء محافظ وشعب الوادي الجديد بالعيد القومي للمحافظة
- رئيس اتحاد الوطن العربي الدولي يتحدث عن العيد القومي لمحافظة الوادي الجديد
- رئيس اتحاد الوطن العربي الدولي يعزي الفنان محمد صبحي في وفاة شقيقته .
- رئيس اتحاد الوطن العربي الدولي ينشر كلمة الرئيس السيسي في حفل تخريج الكليات العسكرية
- رئيس اتحاد الوطن العربي الدولي يعزي المهندس صلاح الجنيدي عضو الإتحاد في وفاة السيدة الفاضلة زوجته .
العالم فيه حوالى 196 دولة ومفيش ولا دولة منهم العلم بتاعها فيه لون بنفسجى بالرغم من إنه لون جميل ومحبوب ، ياترى ايه السبب فى كده ..؟
– لحد سنة 1800 كان اللون البنفسجى نادر وغالى جداً لدرجة إنه كان أغلى من الدهب ، وعلى مرّ العصور كان اللون ده دايماً مرتبط بالثراء والقوة ومش بيلبسه غير طبقة معينة من الشعب ، لدرجة إن الملكة إليزابيث حرّمت أى حد من الشعب إنه يلبسه باستثناء أُسرتها المالكة ..
– سبب تميُّز اللون البنفسجى هو إنه كان نادر جداً والصبغة المُستخدمة فى إنتاجه كانت غالية جداً ، الصبغة دى كانت بتيجى من تجّار فى مدينة “صور” الموجودة حالياً فى لبنان ، كانوا بيستخرجوا الصبغة دى من قواقع بحرية صغيرة ومش موجودة فى أى مكان تانى فى العالم غير فى منطقة “صور” دى اللى بتطُّل على البحر المتوسط ، واستخراجها كان صعب جداً وبيحتاج مجهود كبير لدرجة إنهم كانوا بيحتاجوا أكتر من 10000 قوقعة عشان يستخرجوا جرام واحد بس من الصبغة ، وطبعاً مكانش حد يقدر على تكاليف الصبغة دى غير الحُكّام ، عشان كده اللون البنفسجى كان مُرتبط بطبقات حُكام مصر وروما وبلاد فارس ..
– الصبغة حتى كانت غالية على بعض الحكام لدرجة إن الإمبراطور الرومانى السابق “أوريليان” مكانش بيسمح لزوجته إنها تشترى هدوم لونها بنفسجى ، لإن الصبغة كانت بتكلّف 3 أضعاف وزنها دهب يعنى الباوند الواحد من الصبغة بيساوى 3 باوند دهب يعنى ما يُعادل دلوقت 65 ألف دولار!! ، وطبعاً مفيش ولا دولة قدرت تتحمّل إنها تستخدم اللون البنفسجى فى علمها ..
– واللون مبقاش مُـتاح لعامة الشعب إلا من حوالى قرن ونصّ كده ، سنة 1856 الكيميائى “ويليام هنرى بيركين” صاحب ال18 عام كان شغّال فى تصنيع علاج للملاريا وبالصُدفة صنع مُركّب بنفسجى ولاحظ إنه ممكن يستخدمه فى صباغة القُماش باللون البنفسجى ، وأخد براءة اختراع عليه وبدأ بتصنيعه على نطاق واسع وبقى فاحش الثراء بسبب الصُدفة دى ..
– ومن وقتها واللون البنفسجى بقى متاح لكل الناس وتلاشت قيمته وطبعاً أعلام الدول فضلت زىّ ما هىّ متغيرتش لحد التسعينات أما أعلام جديدة اتصمّمت وعدد قليل جداً منهم حوالى 3 دول اللى استخدموا اللون البنفسجى فى علمهم ..
رئيس مجلس الأدارة
السابق بوست