حجه هنيه
يارب حجه هنيه واكتبها
تيجى من غير ماحسبها
افتح ابواب الإجابة
عل اخر اوعا تواربها
ياكعبه بتوبك الاسمر
اوعدنا يارب بالمنظر
واكون من جملة احبابها
بتمنى حجه ياربى
دمعى بينزف ف قلبى
وانت عارف سببها
عايزاكى ياارض ياطاهره
وتبقى حقيقة وظاهره
واتكحل حتى بترابها
النفس ضاقت ياربى
تايهه غريبه عن دربى
محتاجه تنسى عذابها
بادعى وشايفه الهموم
دا حزن نفسى بالكوم
افترسها ونهبها
حجه طاهرة وانول
ويكون ف وشى القبول
وزمزم مايه اشربها
عايزاها لحياتى ختام
اختم بيها وانام
وتقوم النفس لحسابها
توهت حقيقة وسراب
النفس وسط الصعاب
يارب واغفر ذنوبها
محتاجه أوفى وازور
واطوف ف الكعبه وادور
يارب خدنى ف رحابها
افتح ابواب الاجابه
واسمع لنفسى طلبها
