تسجيل الدخول
تسجيل الدخول
استعادة كلمة المرور الخاصة بك.
كلمة المرور سترسل إليك بالبريد الإلكتروني.
عاجل
- رئيس اتحاد الوطن العربي الدولي يشرف حفل زفاف نجل رجل الأعمال شريف البشبيشي بالإسكندرية
- السفير المصري ورئيس مركز المعارض يدشنان المؤتمر الصحفي لمعرض سعودي فاشون أند تيكس
- المرأة والعمل والمسئولية
- رئيس جامعة الوادي الجديد يشارك في اجتماع لجنة التعليم والبحث العلمي بمجلس النواب
- مركز إعلام حلوان يبحث كيفية إختيار الغذاء الصحى الآمن
- الدكتور محمد صبحي بطاطا يكشف الستار عن زراعة 300 فدان ذرة وطماطم وسمسم بمحور الضبعة
- الاستثمار في الذات من أين يبدأ وإلى أين ينتهي
- كيفية مواجهتنا لتكوين
- الإمارات .. عنوان للعطاء الإنساني
- حلول الطاقة في مصر وانظمتها مؤتمر صحفي ل “Rolls Royce Power systems”
بقلم /دكتورة ولاء عبدالصبور
معالج نفسي ومدير مركز توريت للصحة النفسية
متابعة المستشار الإعلامي دكتور/سامح الخطيب
س: ابنى عنده سنتين ومش بيقول غير كلمات بسيطة المفروض ياخد جلسات تخاطب ولا أستنى شوية ؟
ج: لأ ماياخدش تخاطب دلوقت
الطفل فى عمر السنتين المفروض يقول جملة بسيطة من كلمتين لكن لو تأخر شوية مافيش مشكلة نكلمه كتير وإن شاء الله يتقدم
س: ابنى عنده 4 سنين وبيسرق أعاقبه ولا أعمل إيه ؟
ج: لأ متعاقبهوش
الطفل اللى فى عمر سنتين و3 و حتى 4 سنين مايعرفوش معنى الملكية بحكم إنهم عايشين فى بيت فى أدوات كتير مشتركة الكل بيستخدمها فالمفروض حضرتك تعرفيه إن فيه أدوات تخصه وأدوات تخص غيره والمفروض نستأذنه قبل ماناخدها
س: إبنى عنده 5 سنين وبيكذب أوديه لدكتور ولا أعمل معاه إيه ؟
ج: لأ ماتودهوش
الطفل فى السن ده خياله واسع بيتخيل قصص وبيحكيها على إنها حصلت فى الحقيقة
س: إبنى عنده 3 سنين وبيلعب دايماً فى أعضاءه التناسلية أوديه لدكتور عضوى ولا نفسى ؟
ج: ولا ده ولا ده
تجاهليه تماماً وحاولى تشغلى إيده بأى حاجة بطريقة غير مباشرة لأن الطفل فى السن ده بيتعامل مع أعضاءه التناسلية كأى عضو آخر فلو ركزتى معاه هو كمان هيركز وتبقى عادة عنده
س: إبنى عنده 4 سنين ودايماً بيعاندنى وكل حاجة يقول لأ أعاقبه ولا أتصرف معاه إزاى ؟
ج: لأ متعاقبهوش
الطفل من سنتين لخمس سنين بيتصف بالعناد
بيقول لأ محاولة منه لإثبات شخصيته فحاولى تتجاهلى بعض الأمور وخدى رأيه دايماً فى الحاجات اللى تخصة
س: إبنى عنده 4 سنين ولسه بيمص فى صباعه أحطله شطة ولا أمنع العادة دى إزاى ؟
ج: قدامك حلين، ياإما تلبسيه غطاء الإصبع البلاستيك وتشغلى بقه بأى حاجة زى إنه ياكل لبان مثلاً أو تعملى العكس يعنى لما تشوفيه بيمص صباعه ماتتكلميش ولو مش حاطه تخليه يحطة لحد مايزهق ويبطل من نفسه ودى حاجة إسمها إشباع ونتايجها كويسة
س: إبنى بيخاف من القطط أو من الحيوانات عموماً أخليه يبعد عنهم نهائى ولا أتصرف إزاى ؟
ج/ خليه يواجه
لما تخرجوا مع بعض ويقابلكم الحيوان اللى بيخاف منه حاولى تبدأى وتقربى منه الأول فابنك هيلاحظ إنه مش بيأذيكى وبالتالى هيقرب هو كمان وخوفه هيقل تدريجياً
بقلم د – ولاءعبدالصبور