( يا امى قوليلي من ذيك ) ياشايله الشيله من صغرك ياست الستات مليش غيرك ياتاج العزه فى شرفك
( يا امى قوليلي من ذيك )
ياشايله الشيله من صغرك
ياست الستات مليش غيرك
ياتاج العزه فى شرفك
بحبك ياما وبحب كلامك
انااصلى دمى من دمك
دانامتربيه على خيرك طول عمرك ياما واقفه معايه فى الشده
يا حبيبتى دانتى نور عنيه
ياامى ياحته منى كل طيبه وحنيه
ولا عمرك طلبتي منى حاجه
وطول عمرك تضحى من اجلى بحياتك
وتضحي ياما بوقتك وبعمرك
وتعدي ايام وشهور وسنينك
ودايما ناسيه كده روحك وسعادتك
ودايما ماشية تقولي عين يا معينك
ومهما يزيدوا في حملك
دايما ياما بتحمدى ربك
ده مفيش يوم تقصير من يوميك
دى كلمه ماما ما تكفيى
يا أجمل اسم بلسانى
يانعيم الدنيا يا امى
وانا تعلمت الصبر منك ومن السنين
ودايما تعطى دروس الصبر للملايين
ياامى نسيتي قوام كمان سنك
ياست الكل طول عمرك
طول عمرك بتهدي العمر للجايينك
ياامى هزمتي اليأس بصبرك
انا بحبك اصلى مليش غيرك
ياامى كتبتي فى الكفاح دواوين
قوليلي ياما مين كده زيك
يا ريحة الفل والياسمين؟!
حكاوي ياما الناس كتير عنك
امى ياصخر صوان
ياوافقه فوق جبل ومتين
وبتشيلي فوق كتفك سنين
وحملك ياما ده يشيله مين ؟!
ياامى وبتداري في منديلك
دى بواقي من دموع عينك
وبتشيلي يامامن طاقتك
ودايما راسمه الضحكة على خدك
وأملك ياما ده عبير ياسمينك
ده كل الحب في قلبك
وانا تربت ياما من حنانك
وده يفيض من روحك ويروح لناس كده بنورك
وده ياامى من الزهد في عمرك
انا بعيش افتخر بحياتك
محافظه دايما ياما على نفسك
ياامى الله يرحمك يا حنونه
ويغفرك ويدخلك فسيح جناته
ياامى يا كلمه حلوه يا طيبه
ده كل الشكر من حقك
(١٠٠)ورده لعيونك على قبرك
يا أجمل ماشافت عيني
ده حبك ياما فى دم
بقلمي / الشاعرة
سوسن النجار
