( انا حسه بخطر )
بره البيوت بشر
على صوره موت وحجر
اصوات بصخور مهجور
والكل بيصرخ صرخه سور
وسمعت اصوات اطفال تصرخ بصوت جبار
وتقول أنا قلبى خلاص احتار
انا حسه بخطر
انا حسه بصوت زلزال بيصرخ صرخه نار
بصوت اوى جبار والكل وقف كده محتار
دى حلم من السهر ولا من القدر
وكانى بعيش فى زمان من الصخر
وعيون مليانه شوق وعفر
وكانى شراع بصوت مخدوع من قهر وغدر
انا حسه بخطر
من كام يوم سمعت بكاء طفل حزين
بقول محروم من دمع ونوم والالم وانين
بيقول بكره يكون فين ولاحد عارف هو مين
من الذكري والسنين
والخوف خلانى بشوف اسرار من الزمن
انا حسه بخطر
وسمعت كلام ولا فى الاحلام
ده يخلى العقل يشيب بتمام
ويحاسب من كل الدنيا ومن الايام
وانا بمسح دمعه عني من شدت الالم
وفتحت شبابيك البيت بصوت مليان بمطر
وسمعت صوت جاى من بعيد ياناس فى خطر
وكانى الصوت صرخ بدمع من طفل انفطر
قاعد يقول يا خلق احنا فى نار يا بشر
ولاحد سأل عنه ودموعه نزلت منه مطر
انا حسه بخطر
بقلمي / الشاعرة
سوسن النجار
