محدش مرتاح

أولآ وأخيرآ الحمد لله على السراء والضراء

من فترة زمنية قريبة وليست بالبعيدة ….

تأكدت وأدركت انه محدش مرتاح و محدش معندوش مشاكل مهما كان وضعه وظروفه وربما تكون مشاكلنا تافهة بالنسبة لاشخاص آخرون ..

ولو نظرت وتعمقت فى مشاكل وظروف الغير ربما تجد نفسك تضحك من صغر وتفاهة مشاكلك بالنسبة لمشاكل الآخرين وتحدث نفسك وتقول هي دي مشاكل ..

وكل ذلك بسبب إنه اغلبنا ومعظمنا مقتنعين ان كل حاجة مضمونة ..

على الاقل نصفنا يدرك ان انه كل حاجه مضمونه فى حل مشاكله الخاصة ..

مثلآ يعني انت ضامن انك لمه تصحى وتروح شغلك فى أخر الشهر سوف تقبض راتبك

وضامن انك لو اختلفت مع اهلك إنك هتتصالح بعدها معاهم .. وضامن انك بعدها هتروح لبيتك وتتضغطى وتنام .. ضامن انك هيجي وقت وربنا يهديك عليهم أو يهديهم عليك ..

احنا مش ضامنين اي حاجة والله ولا حتى واحد فى المائة ( ١ % ) انت مش ضامن انك هتبقى كويس ولا ضامن وجود اهلك ولا عارف اي حاجة ..

انا مش بقول كلام ده علشان نفضل ننكد على نفسنا كل يوم لا بس والله لو فكرنا بس لحظة فى كل يوم ان اي حاجة مش مضمونة إلا بأمر الله وإرادته حينها فقط ولا هنزعل ولا هتشيل من حد ولا اي صراعات علشان ببساطة مش مستاهلة ..