ومش حنروح
بقلم الشاعرة / عبير العيسوي ( عضو اتحاد كتاب مصر )
متابعة المستشار الإعلامي / سامح الخطيب
خليك براح
انا قلبي عطشان
للسفر
وحواديت السفر
مش عشان بس
نحكي
ياريت نقدر
أكتر
نبكي
ونضفر الخطوة
مع الكلمة
ونغمرهم
مطر
خليك براح
بإتساع الحلم
قد مايشخبط صور
قد مايلخبط معاني
مربكة
أصله مالقاش “مبرر”
في الحقيقة
للحقيقة
ولا أي تفسير معتبر
أزاي صخور معتمة
وأسمها ف الكون
قمر
خليك براح
قد توهة
مش عايزة توصل
ونهاية مفتوحة
لرواية
لسه ماحبتش تكمل
خطوط والوان
من غير إطار
بتكره الحواجز
الإحتكار
بتكسر الملل
خليك براح
اللي باقي
مش قد اللي راح
اعتبره إنذار بالخطر
ومش حنروح
مشتاقة في عنيك
للسهر
بقلمي _ عبير العيسوي
