ما حلتصش
بقلم الشاعرة / عبير عبدالسلام ( شاعرة الريف )
متابعة المستشار الإعلامى / سامح الخطيب
هنساك وكأنك ما حصلتش
ولا عمرك عديت على بالي
وهدوس على كل اللي ما بينا
وهـا ظَبَط حالي ومحتالي
وهعيش بقى خالي وزي زمان
وكرامتي هتفضل في العالي
وها مَوّت قلبي اللي خذلني
هاخنقه بــ ايديا ولا أبالي
صحتي بـالدنيا ومــا عليها
ومــا حــدش ها يعوضهالي
واللي هيكسرني م عاش ولا كان
همحيه م الدنيا دي طوالي
بيقولوا ياروحي ما بعدك روح
وانا نَفسي عزيزة وأبقالي
عايزك تبعد وتشوف غيري
ومسيرك ترجــع تصفالي
وتجيلي تقول تُبت وندمان
وتحـس بـخيري وأفضالي
وساعتها ياحلو انا مش هرحم
وهقولك صحصح وافضالي
علشان أنا ليا حساب وعظيم
ويااا رب أعيش واكتبهالي
واشوف أيام ف اللي ظلمني
علشان كان خاين وضلالي
ويدوق الويل أضعاف أضعاف
والنبي يــا كريم نـولهــالي
قادر جبار على كـل ظلوم
وإيماني بـعدلك راسمالي
الظلم يا رب جزاءه عظيم
وانت مترضاش اللي جرالي
بقلمى _عبير عبدالسلام ( شاعرة الريف )
