تريند الأرقام الشيطانية بوابة الدخول لعالم الجن

الفترة دي انتشر تريند لجدول ارقام مع حروف وكان عبارة عن انك بتعترف لشخص ما بِحُبك برقم بيرمز لأول حرف من اسمه، التريند لذيذ محدش ينكر، بس محدش سأل نفسه مين اللي عمل الجدول دا وايه سبب ظهوره فجأة لا وكمان كان في اكتر من شكل زي رموز مع ارقام وحروف؟!

خليني اقولك ان الموضوع ليه بُعد تاني مش مجرد تريند اتعمل بالصدفة…

الطقوس الشيطانية بيكون ليها اكتر من مرحلة، ومن ضمن المراحل دي كتابة رموز من ضمنها أرقام بتندمج مع الحروف، المُحضِّر بيكون فاهم معنى الرموز دي ايه وبيقولها بطريقة معيّنة لتحضير المرحلة القادمة في الطقوس، بس هل دا معناه ان الأرقام والرموز دي لوحدها تكفي لتحضير طقوس الشيطان؟ لا انا قولتلك انها مرحلة واحدة من اكتر من مرحلة ودي تعتبر اسهل مرحلة بس هل دي مبتعملش حاجة؟ لا برضوا، بيُقال ان الأرقام ليها سحر زي الاحجار والابراج والتنجيم، يعني حضرتك وانتَ قاعد وبتشيّر التريند اللذيذ دا احب اقولك انك جايز جدًا تكون صدّرت لنفسك طاقة سلبية قوية، وبما ان الموضوع انتشر احب اقولك كمان ان الفترة الجاية هيكون فيها طاقة سلبية بشكل كبير حواليك، احذر يا صديقي، الكون مش بالبساطة اللي انتَ متخيلها..