بشري لطلبه الثانويه العامه
حدوته قبل النوم
نقدم خطه تطوير التعليم الحديث
بلاها عربي بلاها انجليزي بلاها جغرافيا بلاها تاريخ بلاها فرنساوي بلاها ألماني بلاها إيطالي بلاها علم النفس بلاها منطق بلاها فلسفه بلاها رياضه بلاها كيمياء بلاها طبيعه
المهم انكم تنجحوا
وتنسوا التربيه الرياضيه والتربيه القوميه والتاريخ والجغرافيا والمنطق الفلسفه وعلم الاجتماع واللغات الاجنبيه فرنساوي ألماني إيطالي…
وتنسوا انتوا مين واصلكو ا ايه وتاريخكم ايه وحدودك الجغرافيه ايه وكمان تنسوا اللغات الاجنبيه وتنسوا اسمكم وترحلوا بعيد عن دماغنا تعبوتنا
ولا اقولكم انسوا التعليم وانسوا اي حاجه وامشوا بقي زهقوتنا……
لا تفتكروا سوي حمو بيكا وشاكوش وكزبره
ويعوض الله يعوض الله الدنيا الدنيا باظت يعوض الله
اقولكم حكايات جدكم عباس الاول
كان في الكتاب زمان يعلموا الأطفال الدين ويحفظوهم القرأن وكان ماده نجاح وسقوط
زمان كان في ماده تربيه رياضيه اساسيه وبنضرب عليها عشان التربيه البدنيه للنشء
زمان كان فيه تربيه وطنيه عشان ينمو في النشء حب الوطن.
زمان كان فيه تاريخ عشان يتعلم النشئ تاريخ بلاده وعظاته ويفخر بيه
زمان كان فيه جغرافيا يتعلم النشئ فيه حدود بلادها وتضاريسها ومناخها
زمانان فيه لغات اجنبيه يتعلم النشئ لغات البلاد الأخرى لينفتح على العالم وثقافته
زمان كان فيه علوم اجتماعيه ونفسيه (منطق فلسفه علم اجتماع) عشان يتعلم النشئ طبيعه الإنسان….
زمان كان فيه مدرس وخرازنه وفصل من المدرسه وغياب وحضور دلوقتي مافيش مدرسه
زمان كان فيه مدرسين يشرحوا الطلبه المواد المختلفه دلوقتي مافيش
رمان كان اللي ياخد درس فاشل وساقط
زمان اللي يدخل مدرسه بمصاريف كان ساقط مش جايب مجموع.
زمان كان التعليم مجاني وخرج علماء
دلوقتي التعليم بفلوس وخرج علمات
زمان كانت وزاره التربيه والتعليم
للتربيه (البدنيه الثقافيه الدينيه الاجتماعيه النفسيه)
التعليم لكل العلوم الادبيه والعلميه
دلوقتي لا بقي فيه تربيه ولا تعليم
كل شويه يصحوا من النوم يغيروا ويجربوا مره تعليمات. أمريكي مره تعليم انجليزي مره ياباني
بقي التعليم طبق كشري (شويه انجليزي شويه أمريكي شويه مصري) يديك مدارس وجامعات انتر ناشيونال) بالدولار
زمان كان التعليم إجباري ومجاني
دلوقتي التعليم اختياري وبفلوس
ايه ياولاد اقولكم ايه ولا ايه ده حكايات قديمه قوي من ايام جدكم عباس الأول من الثمانينات كده
وتوته توته….
بكره احكيلكم حدوته جديده من حواديت جدكم عباس الأول مؤسس الدوله العباسيه
