رسالة احمد ابن بني سويف الى اهل مصر المحروسه
تابعه : محمد النقيب
احمد طالب متفوق في البحث العملي نشر رساله على موقع التواصل الاجتماعي الفيس بوك بيطلب دعمه للفوز بمسابقة اتصالات مصر قال في رسالته :
أنا أحمد محمد عبد التواب دياب، 18 سنة، خلصت السنة دى 3 ثانوى عام، فى مدرسة النيل الحكومية بمحافظة بنى سويف ومن اسرة متوسطة والحمد لله،باحث فى مجال الطاقة المستدامة ومجال النانوتكنولوجى وبتردد علي مدينه زويل من حين لاخر لعرض ومناقشة افكاري علي الدكاتره والباحثين هناك.
بحب البحث العلمى جدا وبحب دراسة النانو ،حلمى هو انى اكمل دراستى فى جامعة MIT او جامعة هارفارد اوجامعة ستانفورد او جامعة كولومبيا. 55,000 $ ، انا عرفت بالصدفة ان اتصالات تقدر تساعد فى انها توفر مصاريف الدراسة، انا هدفى وحلمى انى فعلا ادرس صح علشان اقدر اعمل حاجة افضل وتساعد غيرى . لان دا حلمى مش طالب اكتر من انى اتعلم .
اشتركت فى مسابقات كتيير جدا منها دوليا زى المعرض الدولى الثالث للابتكارات، حصلت على المركز الاول على مستوى الجمهورية فى مسابقة ” المخترع الصغير ” ولقب مخترع مصر الاول لعام 2017، وحصلت على المركز الاول فى مجال الكيمياء فى مسابقة ابن الهيثم ، ومركز اول فى مسابقة كأس الابداع العلمى لعام 2016 ، وجائزة خاصة فى مسابقة Intel، ومراكز وتكريمات ومؤتمرات ومشاركات تانية كتيييير الحمد لله تقدروا تعرفوها من اكتر من جهة بحثية وعلمية .
دلوقتي محتاج دعمكم لان اتبقى يوم بس ويعلنوا اسم الاتنين الفائزين. اتمنى مساعدتكم
المطلوب:
١- لايك علي البوست.
٢- كومنت علي البوست منشن فيه Etisalat Misr ( ياريت متنسوش دى بالذات )
٣- شير للبوست
وهنا نطح بعض الاسئله :
ماذا تستطيع اجهزة الدوله ان تقدمه لاحمد ولمن هم مثله من الموهوبين والمتفوقين ؟
اين وزارة البحث العلمي من هؤلاء ؟
اين رجال الاعمال الشرفاء وهتمامهم بابناء مصر المتفوقين والموهوبين ودعمهم بدلا من الصرف على الاعلانات ؟
هل سنظل نترك ابنائنا يتركوا بلادنا ليستفيد منهم غيرنا.
