بقلم شاعرة الوادى / سعاد العقاطى
متابعة المستشار الإعلامى والثقافى / سامح الخطيب
من دماغك بالتأني
أصله يا ابني
في السرعه
ميت ومليون خسارة
واللي جرب قبل منك
قال ياريتني
ازاي فاتتني
واديك شايفني
حالتي حاله
لا اللي راح هيعود لي تاني
ولا الندم هيجيب اماني
واديني قاعد اشد ضافري
ضيعت مهري
كسرت ضهري
منا طول حياتي
يا ولدي فقري
امي فاتتني
وابوي رماني
ولا ليه خال
ولا عم تاني
كان خد بايدي
حتي سيدي
اللي كان عمودي
يوم ما اجي اغلط
يقولي عودي
زمانه فاتني
ميلت بختي
بهرجي
وهزاري
وفي وقت
سكري
خدت قراري
بقلمى / سعاد العقاطى
