عايشينها إزاي
بقلم/ دعاء جمال
متابعة/ سامح الخطيب
ولساني ببص لسبحته جنبي
وسجادته في ليلة العيد
وسقفة إيده لو يفرح
ونظرة عينه بالتشجيع
فألقاني تملِّي معاه
سعيدة ما حسّ بالتوجيع…
حياتي كلها وقفت
كأني في طريق مسدود
د رفعة إيده لو يدعي
كأني مـ السما موعود
د كان شمسي وكان فرحي
وضهري بيه شديد مسنود
كبرت يابايه من بعدك
مع إني صغير في السن ….
وكلمة يابا توحشني
خلاص قلبي بغيرها يئن
وألقاني تملَّي بحن
لمسحة إيده على راسي
ولون قلمه في كراسي
وكان نفسي
تشوفني عروسة كيف رسمك
في توكيلي يكون إسمك
وياما كنت تدعيلي
أشوفك حلوه في الطرحة
خلاص يابا أنا دلوقت
معدتش أعرف الفرحة…!
