قصيدة “بلدي وبتنفسها وبعيشها”
بقلم/ رحاب السيد
بلدي وبتنفسها وبعيشها
وبعشق ترابها
وصوتها وسكوتها
وبعشق هواها
وروحي فداها
وعمري اللي جاي
واللي رايح معاها
بحبك يا مصر
يا غالية عليّ ياكل اللي ليّ
يا ارضي وسمايا
وجودك معايا مخلّي حياتي
ديماً هنية
بحبك يا مصر يا غالية عليّ
بحبك يا مصر وبعشق وجودك
وشمسك وصوتك
وجو العصاري والمغربيه
بحبك يا مصر وبعشق ترابك
وصوتك سكاتك
يا حلوة و بهية
بحبك يا مصر يا غالية عليّ
بحبك يا مصر يا سر السعادة
يا سكر زيادة
يا دفء وحنان
وعطر الزمان
بحبك يا غالية
بحبك يا مصر
يا غالية عليّ يا كل اللي ليّ
