طير يا حمام بقلم الشاعرة سوسن النجار
وصل لمصر تحيه والف سلام
وصل ياحمام ليها المراسيل
طير وسلم على ارض النيل
بلد المحبه وارض الجمال
بلد الصحبه الجميله والسهر الطويل
بلد الناس الطيبه والليل الجميل
وبغنى انا لكى يامصر
كام غنوه فى المواويل
يامصر يا حته من دمي
يا ست الكل ياامى
انا بنتك وفداكى
ومتربيه من خير اراضيكى
وانا على البعد انجيكى
ومهما ابعد انا هجيكى
وأرجع لحضن ليا ليكى
يا ام أبويه واولادى
يا فرحه كل اجدادى
يا ست الكل يا مصر يا مولاتي
الكل بيحبك يجيكى
بيشرب من نيلك العطشان
مصر يا منوره بشمسك فى كل مكان
ومهما الف واتغرب
انا عمرى عنك فى يوم ما اهرب
وابعت لك المراسيل
وبغنى لكى المواويل
وانا على بعد انجيكي
ومهما ابعد انا هجيكي
وأرجع لحضن لياليكي
بشوفك يا مصر القمر المنور فى اولادك
بشوفك يا مصر الأصل ولسه الخير فى اهلاك
يا ارض الخير بامجادك
حافظك ربنا بحراسك
يا ام أبويه واولادى
يا فرحه كل اجدادى
وانا على ابعد انجيكي
ومهما ابعد انا هجيكي
وأرجع لحضن لياليكي
يا ست الكل يا مصر يا مولاتي
بقلمي / الشاعرة
سوسن النجار
