( شدي حيلك يابلدنا ) بقلم الشاعرة سوسن النجار
شدي حيلك يا بلدنا
ومدى ايدك لى اخواتنا
الطف يا لطيف
من دمع مخيف
وصحيت الصبح على صوت
صويت وصريخ وبكاء اموات
سألت سؤال قالوا زلزال
قلت هات يا عواد الحمل
أشيل عن اخوك الحجر
ودموع عينى بتنزل مطر
على بلد الخلان
قلت ده بلد اخواتى من زمان
ده انذار ياعالم بصوت زلزال
والكل احتار وبيسأل
شدي حيلك يابلدنا
ومدي ايدك لي اخواتنا
سمعت دموع مخنوقه على الخلان
على أهل العراق وسوريه وتركيا ولبنان
يامااصعب المر على المحتار
انهض يامارد على شعوب تنهار
ده دموع صبار من حسره وويل
ودموع ام على طفل نهار والليل
شدي حيلك يا بلدنا
ومدي ايدك لي اخواتنا
وسمعت على خط النار ضمير محتار
يبعث انذار ويزيح الدار
ولكل حزين على طفل
شايل حمل ثقيل
والأم والاب ليله بيكون فى نهار
بصويت وبكاء يملي الأنهار
شدي حيلك يا بلدنا
ومدي ايدك لي اخواتنا
اشهد يا تاريخ بعزيمه وهمه
وضمه ام بتحضن امه
فى عيون لسه موجوعه
خلان فلسطين الحره الابيه
حد عارف فين هيه
موجوعه من سينين على القضيه
حد عارف مين موجوع وبيتألم
اخواتى وخلانى عيشه وبتتظألم
وعيون الحق بتقول فين الضمه
من الخلان المتحدة بالوحدة
ولسه فى ناس بتبكي
من مر وجع وبتشكي
وبتقول فين طريقي وحقي
ولسه بتسأل يا أبني
قول يارب يا حافظ
على كل حصى فى الارض محفوظ
وانصرنا يارب العباد
بصوت الحق والعهد
الطف يا لطيف
من دمع مخيف
شدي حيلك يابلدنا
ومدي ايدك لي اخواتنا
بقلمي / الشاعرة
سوسن النجار
