كتب الشاعر المصري أحمد إبراهيم النجار
قصيدة (شدي الرحال )
مابقاش خلاص نسمة ربيع
أو حتى وردة فى الحقول
مابقاش خلاص فصل الربيع
أو ضحكه طله م العيون
مابقاش خلاص رحلة إياب
أصبحنا فى زمن الجنون
طال الخريف
على غصن مايل من زمن
غطى السواد باقى الشجر
والحلم أيل للسقوط
صرخة عيدان دبلانين
برج الحمام مهدوم حزين
فوق الركام العنكبوت
فارد خيوط
واللهي أهون البيوت العنكبوت
صرخة حدود فيها الضياع
مابقاش خلاص منبت لتوت
شجر الزتون محروق ومات
والفجر غايب عن سنين
ملعون يا ليل ملعون يا ليل
الجرح والنوم الطويل
ملعون يا ضوء الشمس
مش عايز يفوت
على جسدي المحني الضعيف
ملعون يا صوت الحق
لو مكتوم فى صوت
ملعون يا صوت
الظلم والجبروت
ملعون يا وعد الألم
والتوها فى الأيام
ملعون يا حلم إبتدى
راح وإنتهى فى منام
وآه يا صوت الطرب
والفن والأنغام
والرقص أصبح طريق
فيه الضمير وأهو مات
ملعون يا عقرب ثواني
داير فى قلب ساعات
فوق الحيطان الصوت
والصرخة م الدقات
وآه يا قلب إتوجع
رعشة ألم نبضات
وآه يا حلم إتهدم
عايش ما بين سكرات
شدي الرحال واكتبي
على بابك الصرخات
الليل طويل وإكتمل
فيه الضياع حكايات
توبك خلاص إتقطع
عايشه فى زمن البدع
دقت طبول الزار
ملعون يا صوت مخفوت
فى زمن الخرفات
ده حلم ولا كبوس
ولا قاموس كلمات ؟
فيها الحروف شقلوب
بحر الألم بيفيض
على جسدك العريان
جرحك صعيب محفور
والداء مالهوشي علاج
يا صرخة من غير صوت
قطر الزمن بيفوت
والحزن عاش بأهات
شدي الراحل واكتبي
بين الطريق وارقصي
واتميلي بجرح وآه
زمنك زمن موجوع
فيه الضياع والجوع
والرقص والنغمات
وأنا فيكِ والله بموت
وأنا قبلي فيكِ ومات
ملعون يا صوت مخفوت
ملعونه فيكِ حاجات
شدي الراحل شدي
خارج عن الكلمات
هَنهي أنا قصيدتي
فى ليلك العاتم
نزله دموع قلبي
نزله على سطري
مات الحنين ليكِ
والعشق والبسمات
كاره أنا عينيكِ
أو لمسه فى إيديكِ
شارب أنا مُرك
سكران على دربك
مايل على جزعي
راحل ومش ندمان
ولا يوم هناديكِ
زمن العتاب أهو فاااااااات
شدي الراحل شدي
خلّصت أنا قصيدتي
وخلصت الكلمات
بقلم الشاعر المصري أحمد إبراهيم النجار
