الوسم: قصة يوتيوبر يرفض المحتوى المبتذل وبداء من مساكن شعبيه

قصة محمد مايو يوتيوبر يرفض المحتوى المبتذل وبداء من مساكن شعبيه

محمدمايو وحوار مع العمق نيوز

قال مايو

اتولدت 1/1/1988
امبابه / الجيزه
روحت النهضه سنه 1994 عشت فيها 13 سنه لحد 2007
شعت فيها احلى ايام حياتي
لعبت في الشارع كوره مع اغلي أصحاب
قعدت ونمت على الرصيف

اشتغلت في الزجاج صبي صنايعي
اشتغلت في جريدة الوسيط موزع واترقيت مشرف جوده
لفيت خلالها مصر الجديده شارع شارع وحبيتها وحفظتها وبعدها دخلت الجيش

بعد الجيش دخلت مجال السوبر ماركت اشتغلت كاشير وبعدها اشتغلت في شركة كنت بمشي في الشارع بوزع منتجات على القهاوي

بعدها اشتغلت في مصنع واخدت منه 3 شهادات تقدير وسبته علشان الكوسه في الترقيات

بعدها اشتغلت في شركة ديكور سيلز لمده 5 سنين
علمت نفسي بنفسي ماحدش علمني حاجه بالعكس كنت اللي اتعلمته من العملاء مهندسين الديكور اللي كانوا بيجوا الشركه
سبتها بسبب اسلوب التعامل والكوسه برده

روحت بعدها اورنج سيلز برده واترقيت بعد سنه كامله وسبتها لما رجلي انكسرت وقاعدت 4 شهور في البيت بعدها رجعت مجال الديكور تاني بس شركة تانيه خالص

وقال محمدمايو فتحت قناة اليوتيوب علشان لاقيت في الشوارع الجيل الجديد ضايع
قولت اعمل قناة اعلم فيها الجيل الجديد حاجات تفيدهم
علشان كل اللي على السوشيال ميديا ببعلموهم ابتذال وحاجات سلبيه خالص