شط الاحبة .. يا شط اسكندرية

شط الاحبة .. يا شط اسكندرية

بقلم : نبيل محمد صلاح

يا جامع قلوبنا .. فى بحور المحبة

تنسينا همومنا … وتداعب قلوبنا

بأجمل الاشواق

عبر نسماتك تحوينا.. وفى حضنك تدفينا

نفرح ساعات … ونحزن ساعات

لكن برضه شطك اللي بيلمنا

ف افراحنا وكمان في حزننا

نستنى نزورك .. كل عام

فى يوليو ولا حتي في سبتمبر

عشان نغسل فيك همومنا ونرتاح من كل الامنا

وسعادتنا تكبر .. بلقائك اكتر واكتر

لانك شط قلوبنا المشتاقة

للحب وغسل همومنا

روحنا الهيمانة ويا التعبانة وكمان المشتاقة

عبر نسمات عبيرك وتلاقي عيون محبينك

انت شط الهنا ولولاك مرتحنا كل سنة

شط اسكندرية .. هو شط احبابي

وقرايبي ويا اصحابي ..

ده الشط اللي بيضمنا

ومع نسماته يلمنا . وياخذ وياها كمان قلبنا

شط اسكندرية .. يا شط الاحباب

يا مجمع القلوب ويا الاصحاب

ومسهرنا ليلاتي ببسمة قلوبنا

وجمع كل احبابنا ..

حتفضل كل عام شط

حبنا وقربنا ونسيان همنا …

لانك شط حبنا وكمان

سعادة قلبنا ….

                                     كلمات : نبيل محمد صلاح الدين