طمنى عليك يا خويا
طمنى عليك يا خويا
طمنى عليك ياخويا
يا بن امى وابويه
بتمنى تجينى
ده بعدك زاد حنينى
طب اعمل ايه من غيرك
من غيرك يدخل عليه
يا مالى الدنيا حواليه
من يوم ما طال بعدك عنى
وانا قلبى حزين مش متهنى
محتارة مش عارفه الدنيا واخدانى لفين
طمنى عليك وقول فين الاقيك
ده وحشنى لقائك
مشتاقه اشوفك واحس بوجودك
ياحبيبى ياخويا مش اقدر انساك
ايامى بقت صعبه من غيرك بقت ويل
بتعذب كل ما بيجى عليه الليل
بروح لأختك اسالها عليك
واتمنى اشوفك مره هناك
وأتذكر احلا سنينى واستناك
يا حبيبى ياخويا انت فين
دايما روحك حواليا وفى كل مكان
وجودك بيهون عليا سنين الحرمان
تعالى ليه ياخويا انتى وحشنى ياما
يا حبيبى يا خويا
بقلمي / الشاعره
سوسن النجار