قصيدة ( بغنوة حزن بتئني ) بقلم الشاعر المصري أحمد إبراهيم النجار يزيد الجرح جوايه
قصيدة ( بغنوة حزن بتئني ) بقلم الشاعر المصري أحمد إبراهيم النجار يزيد الجرح جوايه
وأقولك آه ولا سمعتي
يطول الليل بلا نهايه
وأنا الضايع ولا بيدي
وتنزل مني دمعايه
وأنا الحابي على أرضي
وساكنه فيا جوايه
ومات الحلم فى ملامحي
سنين م الوعد بتقولي
وأنا بسمع
مع دمعة آهات جرحي
بعيش جواكِ أنا ميّت
ومتكفن وضاع عمري
على حضنك وأنا ببكي
وتاه حلمي على كفك
على كفّي
ومات الحب من قلبك
ومات الشوق هنا ف قلبي
وينزف جرح من قلبي
جريح ضايع بلا نهايه
ومطفي لوني القمحي
وآه يا سنين عجاف فيكِ
وأنا المصلوب على جزعي
وآه يا دروب حياه بيكِ
و لونها سواد و مرسومه
على خدي
أنا الضايع وأنا السكران
ما بين عتمة لياليكِ ومتغمّي
وأنا التايه بقالي زمان
على دربك ومات حلمي
بعيش الموت وأنا صاحي
وأنا نايم ومتغطي
وبشرب منك الصبار
وطعم المُر وف حلقي
يزيد الجرح جوايه
وأقولك آه ولا سمعتي
ويخلص ليلك الحالك
ويرجع تاني بيغني
على دف الآهات أحزان
على نايك بغنوة حزن بتئني
وأسمع صوتك المكلوم
وأغرق تاني فى بحورك
وتعلى الأهاه فى حضورك
بلا أضواء فى ليل حالك
وأنا المكفي
ف سواد لونك
وأنا الصارخ على جرحي
أنا السالك
دروب الموت لا بيدي
ولا إرادتّي
أنا المشطوب فى أوراقك
وأنا المسروق على بابك
هنا حلمي
أنا المشنوق على يدك
وأنا المدبوح
وتعلى الصرخة فى صمتي
بتتألم معاها الروح
أنا راحل بلا مركب
بلا مرسى بلا عنوان
وينزل بحر من دمعي
على سنين الخداع فيكِ
وبلعن وعدك الوردي
يزيد الجرح جوايه
وأقولك آه ولا سمعتي
يطول الليل بلا نهايه
وأنا الضايع ولا بيدي
وتنزل مني دمعايه
وأنا الحابي على أرضي
وساكنه فيا جوايه
ومات الحلم فى ملامحي
بقلم الشاعر المصري أحمد إبراهيم النجار
