قصيدة ( حديث الروح )
قصيدة ( حديث الروح )
بقلم الشاعر المصري أحمد إبراهيم النجار
ولا بنسى عيونك خدك التفاح
وقلبي وراح خلاص مني
وفى بعادك بعيش ف جراح
ومين غيرك هنا ف قلبي؟
يا أجمل رحله فى بدايه
يا روح الروح يا قمرايه
يا ست الحسن فى حكايه
يا أجمل ورده مرسومه
على خدك فى ضحكايه
يا رمش عيونها إندهني
شفايفك لما بتغني
بتخطف قلبى ده مني
بحبك حرف بين سطري
بيحكيلك هنا حكايه
يا ساكنه القلب والنني
بالهفة عشق يُسكني
وأنا بيكِ بعيش بكرة
بعيش حاضر بعيش أمسي
يا قمرايه
شروقك هل أنواره
ومالي الدنيا بنهاره
يا ورده بعطرها الفايح
يا مالي ربيعي بروايح
حبيبت قلبي وف يومي
ولسه حبيبتي لِمبارح
يا ضحكه جميله بسمايه
وحبك جاري ف عروقي
وفاض شوقي على شوقي
وزاد عشقي ومكتوبي
يا قمري العالي يا بدري
ربيع الخضُرة ف النني
بعيش فى الغربه مستني
أشوفك جايه بتهلي
على دربي هنا بدايه
أمد إيديه لإيديك ِ
وألقاكِ هنا ف حضني
سنين دايب بأشواقي
وعلى حُبك أنا باقى
كتبتك أسم ف كتابي
نقشتك جوه وف قلبي
بعيش حبُك بلا نهايه
حروف إسمك بمعنى الطُهر
ربيع دايم بعطر الورد
بعيش فيكِ مدينة حب
بعيش حاضر بعيشك حلم
فى أحلامي هنا معايا
ولا بنسى عيونك خدك التفاح
وقلبي وراح خلاص مني
وفى بعادك بعيش ف جراح
ومين غيرك هنا ف قلبي ؟
يا أجمل رحله فى بدايه
بقلم الشاعر المصري أحمد إبراهيم النجار