قصيدة “مش كمالة عدد”
“مش كمالة عدد”
بقلم/ دعاء أسامة
متابعة/ سامح الخطيب
بنت انتِ مش ولد
ملكيش الحق تغلطي
لكنه يغلط ومن غير عدد
بنت انتِ ويتكسرلك ضلع بدون سبب
خروج بمعاد نوم بمعاد راسك تحت دايما وبدون اسباب
انتِ بنت يعني عار
هو ولد لو حتي كافر عمود الدار
وجودك هم وعيشتك غم
وشلتك تقيله على اكتافنا
انتِ بنت يعني طير يتكسر جناحه بالإكراه
انتي بنت يعني مفيش احلام
كل الي ينفع ليكي تبقي مدام
وتكرسي حياتك لبيت الزوج
لعادات وتقليد وناس تقول وتعيد
وترسم مصيرك ويكسروا عينك
يا إما تكوني راضيه
يا إما وئد لطموحكـ
ويكتر الملح في جروحك
بنت يعني ناقصه فكر
بنت يعني تخرسي مفيش كلام بكتر
بنت يعني تشيلي الهم لأمك بكر
انتِ بنت..بنت يعني..
تعيشي بمذله ولو دافعتي عن نفسك
تدوقي طعم الذل والعله
بنت يعني جوازه وبس
والي يدفع اكتر يشيل
بيتحكموا فيكِ
ولأنك بنت بيحكموا بكل قسوه
ومات فيهم الضمير
قلبك ينبض
ينبض كي تقولي حاضر
ولأنه ولد قادر
يكسرك يقهرك لأن مجتمعنا
شبه معاق محدش هيحس بوجودك
ومحدش هيعبرك
بنت يعني مفيش انك تحبي وتعبري عن احساسك
ولد يعني يحب ويسهر
ولو نطقتي كلمه حق يكسر راسك.!
كرهت اني اكون بنت
وكرهت بأني اضعف واشوف نفسي سلمت
كرهت إن يتقال عليا عار
بنات يعني عبيد وهم ف بيت الاهل
ومتعه و غم ف بيت الزوج
ربنا موجود كي يزول الظلم
شايفين وجودي دايما ليه شرير
وبتعامل بكل قسوه وضمير
مليش أحلام
منفعش لـحاجه غير اني أبقا مدام
وجودي أكيد لسبب
انا وجودي والله مش كماله عدد
انا هثبت نفسي وذاتي أكيد
وادي الايام بينا
هتلف وتعيد كلامي فى يوم
وهثبت نفسي
بإني هكون
الـي عاوزاه
ويبقالي كرير
كرهت بإني احس ضعفي
كرهت اني اكره نفسي
جبتوني ليه
وكارهين وجودي ليه
ما أنا برضو ليا مشاعر
ما أنا برضو انسانه
ومن النهاردة هقتل فيا البنت الجبانه
مش هرضا بذل واهانه
أنا تاج على الراس
أنا احساس
أنا توب بهجه
أنا نجمة تلمع تنور عتمه قلوبكم
وهييجي اليوم تشوفوني حققت ذاتي
وأشوفكم
أنا بنت يعني مش عار
انا بنت يعني أساس الدار
بنت يعني بكل رضا ليلي نهار
بنت يعني أحلام وطموح
بكل وضوح لن أقبل مذله
لن أقبل أن أكون سبب عله
في روحي
هداوي جروحي بنجاحي
أنا بنت يعني كوثر
ربنا كرمني
هكسر أي شي يحاول يوجعني او يفكر يهيني
أنا بنت يعني حلم
بنت يعني طير
يطير لسما السابعه
بنت يعني ليا كيان
أنا حد جميل
ومسمحش انك تقارني بغير
أنا بنت يعني ليا الحق في كل شيء
بنت يعني
متتكسرش عشان مش ولد
ومنيش بردو ولا هكون كماله