الشاعرة شيماء يوسف
يا مصر احتار عدوك
واحتار فيك دليله
يجيلك من اي ناحية
من ناحية تانيه تجيله
لو فكر يوم يعتدي
عليه تسودي ليله
وأولادك مخلصين
لليلك قناديله
وجميل أوي شعبك
وجميلة مواويله
شعب لو أراد
ما تلاقي أبدا مثيله
وابني هاورثله حبك
هاقوله وأحكيله
ازاي وطنه جنة
وطاهر اوي نيله
ازاي ترابك حنة
وكحل ف عيونا نشيله
و من حافظ عليك
أنا بجد بادعي له
تحفظه لمصر ديما
على قد طيبته تديله
تقويه على حملها
وتشد بقوتك حيله
