مصر أمانة بين إيادينا؟

بقلم : نبيل محمد صلاح الدين

بلدنا امانة ف ايدينا نعليها مدام عايشين

نعيش فيها سنين وسنين واحنا مطمنين

جربت تشرب من نيلها  جربت تشوف

دمار اهاليها فيها جربت تشوف ناسها

اللي أهانت ثورتها وكمان باعت ذمتها؟

جربت تشوف ازاي الناس ماتت بثورتها

وكمان ناس عايشه عشان تضيع حقوق

ولادها وتتهان جربت تشوف بلد فيها

سته مليون حرامي وبلطجي بيعيشوا عشان

يتحكموا ويا حزب حاكم اتشال واتهان بس

عمال يحكم من زمان للان ويتحكم فى مسيرة

شعب متهان ويا رجال اعمال غابت ضمائرهم

وبيتحكموا فى مسير خمسة وثمانين مليون غلبان معادوش

لقيين ف بلادهم زاد يوم ويا حرمان والاكتر من

ده شعوب عربية بتساند مخلوع عشان يفضل الشعب

متهان وجوعان ..نسينا ليه كرامتنا ونسينا ليه وقفتنا

فى يوم ما عملنا ثورتنا واحنا بنحمي البيوت ويا النسوان

عجبي ع بلادنا مهو دي سياستنا عصاية تشدنا وعصاية

تلمنا وعصاية تحرمنا من لقمة عيش لاولادنا واحنا كنا بنقول

ان زمان الهوان ولي ومعدش فيه حرمان بس نقول ايه ما هي

دي الفلول والنظام السابق اللي ما زال لاحق عشان يطلع لينا

السنته ويقول ما هي دي ثورتكم اللي افتكرتوا انها ابادة للحرمان

والله تعبت واحترت من هذا الزمان والناس الكسالى

اللي هانت نفوسهم عشان كانوا فاكرين ان فى الامان

والهدوء رجوع لقوتهم بس الظاهر اننا حنفضل نقاوم

حتي لو مات منا شهداء تانيين عشان يجيبوا دم الغلابة

الشهداء الميتين اللي حاولوا بثورتهم يقضوا ع فساد

سنين ويا سنين بس ازاي والفساد وصل للركب يا

نايمين لاننا هانت نفوسنا علينا ودم عيالنا وشهداءنا

اللي فادونا بأرواحهم وطلع ثمن ثورتهم الاف الفاسدين

يطلعوا للكل لسانهم علشان احنا نايمين ومطنشين؟

كنت بقول بعد الثورة خلاص يا مصر حتتعدل

لكن النهاردة بقيت بقول يارب استر على ولادنا

لتضيع منهم معالم الدنيا الحلوة اللي حاولنا نرسمها

بثورة شباب ويا عواجيز شافوا فيها شبابهم لكن

ابي الفساد يتمم احلامهم علشان اولادهم تشوف

ايام حلوة ويلحق بيها عواجيزهم بيوم تسعد فيه

قلوبهم اللي نامت من صدأ الايام والسنين بعد

ما لحس الفساد عقولهم وعجبي ؟؟ ما بقتش عارف

على فين رايحين ولا على فين جايين وما بقتش عارف

مين الصح ولا مين ثورة من ائتلاف ولا ناس وانا منهم

يوم اتحطوا ف المراقبات عشان بس حبينا بلدنا وشربنا

من نيلها اللي روا عروقنا وحبينا ولادنا يشوفوا ايام

احلي من ايامنا اللي من كل ما بهتت علينا بقينا مسخ

من كتر الهوان والفساد ونسيان الذات

أسعار كل يوم في الطالع ومفيش حتي قرش ليها

وكل يوم ندعي ونقول يارب السيسي يحس

بالغلبان اصبحنا فقراء وكبار وحتي المتوسط بقي غلبان

مبقاش قادرين نقوم بثورات ثانية لكن نتمنى اللي منا

يحس بجراحنا ويعوض ع الكل تعب الحرمان ….

 يارب يا حنان يا مجيب الدعوات اعلم ان ذنوبنا كثيرة

لكن رحمتك وسعت كل شئ يارب يا الله يا رحمن

يا رحيم قلت وقولك الحق ان بعد العسر يسر فأين

حكمتك واين رحمتك بينا يا ارحم الراحمين وهل دماء

شهداؤنا كانت زكية ولا فتنة زي ما قالوا يوم السلف

ويا الاخوان بس انت ارحم الراحمين وتمهل ولا تهمل

فرحماك بنا يا رحيم رحماك بنا يا رب المستضعفين

رحماك بنا يا رحمن يا رحيم وحسبي الله ونعم الوكيل

فى كل ظالم وكل من يبيع كرامتنا ليرضي اناس غابت

ضمائرهم واستحلوا يوما دمائنا ويا عقولنا وكمان

ارادوا يقتلوا احلام اجيالنا وشبابنا الا اتمنوا يكون ليهم

كرامة ف بلادهم مصر الامان عشان يبطل الكبير

يأكل الصغير وولي الامر يجوع ويدوس ع شعبه وهو فى

الاخر بيقوله بالروح بالدم نفديك يا رئيس.. بس

دوس علينا وامسك العصا ومدنا ع رجلينا وعجبي .؟

كمان ع الاخوان اللي باعوا بلادنا يا جدعان وكفرونا

وخلونا نلعن اخواتنا واهالينا ونحس ان العيب فينا

بس حنفضل بأملنا فيك يا اللهي انك تمهل ولا تهمل

لانك العزيز الجبار مالك الملك ذو الجلال والاكرام

ومهما اخطأنا فرحمتك وسعت كل شئ لانك الرحمن

ولانك قادر ع كل شيء وندعوك يا رحمن

ان كان السيسي هو الخلاص لينا فأنر طريقة

ووفقه للخير لينا وتعويض كل غلبان…

وان كان هذا أخر الأيام وفتنة الزمان فأمتنا

يا رحمن ونحن غير مفتونين ولا معذبين لأننا

هرمنا وتعبنا وكم تمنينا ان يأتي زمان نذوق

فيه حلاوة النسيان ومرارة الأيام …

من زمان ماتت فية النفوس وكترت النفوذ

بس انت الرحمن وكمان الرحيم

اللي أقوي من كل الجبارين

كتبت يوم ثورة الثلاثين من يونيو…

كلمات : نبيل محمد صلاح الدين

https://www.youtube.com/watch?v=-_HmzvD4nBY